Skák og mát í borginni

Dagur B. Eggertsson, borgarstjóri Reykjavíkur og Gunnar Björnsson, forseti Skáksambands Íslands, skrifuðu í dag undir samstarfssamning. Reykjavíkurborg styður Reykjavíkurskákmót næstu ára og leggur einnig til húsnæði fyrir Evrópumót skáklandsliða sem haldið verður í Reykjavík 2015.

Fram kemur í tilkynningu frá Reykjavíkurborg, að borgin muni styrkja EM 2015 með endurgjaldslausum afnotum af húsnæði Íþrótta- og sýningarhallarinnar í Laugardal. Mótið hérlendis verði kynning fyrir Reykjavík og muni Skáksamband Íslands kynna borgina sem best í aðdraganda mótsins. Sérstök samstarfsnefnd verður komið á laggirnar vegna þessa viðburðar.

Þá styrkir Reykjavíkurborg árleg Reykjavíkurskákmót til ársins 2017 og nemur heildarfjárhæð stuðningsins tæplega 11,5 milljónum króna.

• Blogga um frétt