Miklar breytingar hafa orðið á skriðjöklum landsins á síðustu 20-30 árum, en Landmælingar Íslands reyna að halda við grunngögnum, kortum og hæðarlínum skriðjöklanna.
Sem dæmi má nefna að Vatnajökull minnkaði um samtals 83 ferkílómetra á árabilinu 2000-2006 og ný ókortlögð svæði komu í ljós, að því er fram kemur í umfjöllun um mál þetta í Morgunblaðinu í dag.
Annað dæmi sem Magnús Guðmundsson, forstjóri Landmælinga, nefnir í samtali við Morgunblaðið er að við sunnanverðan Mýrdalsjökul hafa orðið til 150 metra djúpir dalir sem til skamms tíma voru huldir tungum skriðjökla.