Á þriðja tug jarðskjálfta hafa mælst við Bárðarbungu síðastliðinn sólarhring og var sá stærsti 4,4 stig á Richter-kvarðanum. Mældist hann laust eftir klukkan átta í morgun. Þá hafa mælst á annan tug skjálfta í kvikuganginum sem liggur frá Bárðarbungu og út í Holuhraun.

Engar stórvægilegar breytingar er að merkja á virkni síðasta sólarhringinn, að því er fram kemur í tilkynningu frá Veðurstofunni. Vel hefur sést til gossins á vefmyndavélum og virðist virknin vera nokkuð stöðug.

Tveir skjálftar mældust nærri Grímsvötnum í morgun og voru báðir rúmlega eitt stig á Richter-kvarðanum. Ekki hefur orðið vart við frekari skjálftavirkni þar.

Bárðarbunga er á sífelldri hreyfingu og stöðugt mælast jarðskjálftar í nágrenni hennar. mbl.is/Þórður Arnar Þórðarson

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• Blogga um frétt