Með um 500 metra lögn frá uppsjávarfrystihúsinu á Höfn er miklu af hráefni núna dælt yfir í fiskmjölsverksmiðjuna á Óslandi í Hornafirði.
Á þennan hátt er öll meðferð á hráefninu í lokuðu kerfi og það er ekki lengur flutt á vörubílum á milli staða.
Í stærstu árum má áætla að sérútbúinn bíll hafi farið um sjö þúsund ferðir á milli með hráefni, að því er fram kemur í umfjöllun um mál þetta í Morgunblaðinu í dag.