Tveir meðlimir Björgunarsveitar Hafnarfjarðar eru nú á leið til Nepal þar sem þeir munu sinna hjálparstörfum. Gísli Rafn Ólafsson og Andri Rafn Sveinsson fara á vegum Nethope, sem eru regnhlífarsamtök 42 stærstu hjálparsamtaka í heimi. Gísli Rafn er starfsmaður samtakanna. Verkefni þeirra verður fyrst og fremst að meta ástand fjarskipta í landinu og hvað þarf til að koma lagi á þau.

Íslenska alþjóðabjörgunarsveitin fer ekki til Nepal. Í morgun tilkynntu Sameinuðu þjóðirnar að þær rústabjörgunarsveitir sem væru þegar komnar til Nepal, eða lagðar af stað, væru nægjanlega margar til að sinna þeim verkefnum sem liggja fyrir. Aðrar sveitir hafa því verið beðnar um að fara ekki af stað.

Gísli Rafn Ólafsson að störfum á hamfarasvæðinu í Haítí eftir jarðskjálftana árið 2010.

Tengdar fréttir

Mannskæður jarðskjálfti í Nepal

Úr skugganum fram í sviðsljósið

• Glíma enn við eftirköstin
• Fyrst kom skjálftinn, svo skuldirnar
• Freista þess að ná á toppinn
• Enginn á topp Everest í ár

» Fleiri tengdar fréttir

• Blogga um frétt