Fjórir bátar í vandræðum í gær

Samkvæmt upplýsingum frá Landhelgisgæslu Íslands biluðu tveir bátar er þeir voru við strandveiðar í gær.

Þá þurfti að senda björgunarskip og þyrlu til að hafa afskipti af tveimur bátum sem sinntu ekki tilkynningarskyldu.

Skipverjum á bátunum tveimur sem biluðu tókst að koma sér í land af eigin rammleik, á Snæfellsnesi og á Vestfjörðum. Þegar loks tókst að ná sambandi við bátana tvo sem ekki höfðu sinnt tilkynningarskyldu kom í ljós að allt var með felldu. Þeir voru einnig að veiðum fyrir vestan land.