„Sólarstundir í apríl voru nálægt meðallagi. Hinn 29. apríl mældist mikið sólskin en aðra daga minna. Síðustu daga hafa verið vel yfir 100 sólarstundir,“ segir Trausti Jónsson veðurfræðingur.
Sólarstundir hafa verið 58 í Reykjavík fyrstu fjóra daga maímánaðar sem Trausti segir að dugi til bronsverðlauna frá upphafi mælinga fyrir fjóra fyrstu daga maí. Fjórði maí sló þannig met fyrir sólarstundir á þeim degi.
Samkvæmt upplýsingum Veðurstofunnar má búast við að veðrið verði nánast eins fram að helgi. Sól en kalt á Suður- og Vesturlandi en smáél fyrir norðan og austan. Þar er spáð að hiti fari varla yfir frostmark að degi til með næturfrosti en næturfrost verður víða um land fram yfir helgi.