Hjúkrunarráð Landspítala lýsir yfir verulegum áhyggjum vegna yfirvofandi verkfalls hjúkrunarfræðinga þann 27. maí nk. og hversu illa gengur að semja við þær heilbrigðisstéttir sem nú þegar eru í verkfalli.  

Þetta kemur fram í álytkun sem var samþykkt af stjórn hjúkrunarráðs á þriðjudag, en hún hefur verið birt á heimasíðu Landspítalans. 

Fram kemur, að framkvæmdastjórn Landspítala og landlæknir hafi bent á að nú þegar sé öryggi sjúklinga ótryggt. Þar að auki sé uppsafnaður vandi á Landspítala þar sem biðlistar hafi lengst og atgervisflótti starfsfólks sé raunverulegur. 

„Landspítali og íslenskt heilbrigðiskerfi í heild má ekki við frekari skerðingu á þjónustu. Hætt er við að skaði hljótist af sem erfitt verði að bæta. Hjúkrunarráð Landspítala hvetur stjórnvöld til að ganga frá samningum áður en til verkfalls hjúkrunarfræðinga kemur. Velferð þjóðarinnar er í húfi,“ segir í ályktuninni, sem Guðríður Kristín Þórðardóttir, formaður hjúkrunarráðs, birti.

Tengdar fréttir

Kjaraviðræður

Draga gjaldskrárhækkanir til baka að hluta til

• „Kjarasamningurinn var það sem skipti mestu máli“
• Spá launahækkunum nokkuð umfram kjarasamninga
• Samningurinn samræmi bæði vinnuskil og vinnutíma
• Erfiðar viðræður að baki

» Fleiri tengdar fréttir

• 2 blogg um fréttina

Bloggað um fréttina

• Kristbjörn Árnason: Fasistar gera nú kröfur um afnám lýðræðislegra réttinda launafólks.
• Páll Vilhjálmsson: Lög á verkföll heilbrigðisstétta