Þyrla Landhelgisgæslunnar var kölluð út í dag vegna slyss sem varð á Þingvöllum. Lögregla, sjúkralið og björgunarsveitir fóru einnig á vettvangi.
Samkvæmt upplýsingum frá lögreglunni á Suðurlandi varð köfunarslys í Silfru á öðrum tímanum í dag. Erlendur kafari slasaðist og var hann með meðvitund þegar neyðaraðstoð barst. Nánari upplýsingar um líðan hans eða tildrög slyssins liggja ekki fyrir en hann verður fluttur á slysadeild Landspítalans í Fossvogi með þyrlu Landhelgisgæslunnar.
Lögregla og sjúkralið er ávallt með mikinn viðbúnað þegar köfunarslys eiga sér stað í Silfru, en þá fer lögregla og sjúkralið frá Selfossi á vettvang auk kafara frá sérsveit ríkislögreglustjóra og Slökkviliði höfuðborgarsvæðisins. Þá er óskað eftir aðstoð þyrlu.