„Mitt leiðarljós er öryggi sjúklinga. Frá þeim sjónarhóli þá verður þessu að ljúka strax. Strax,“ sagði Birgir Jakobsson, landlæknir, um það ástand sem mun skapast í heilbrigðiskerfinu við verkfall hjúkrunarfræðinga hjá ríkinu.

Læknaráð Landspítalans lýsti í gær yfir þungum áhyggjum af stöðu mála á spítalanum vegna yfirstandandi verkfalla. Með verkfalli hjúkrunarfræðinga mundi skapast fordæmalaust ástand á spítalanum. Verkfall aðildarfélaga BHM hefur nú staðið í tæpar sjö vikur og segir læknaráðið að áhrif þess á starfsemi spítalans séu gríðarleg.

„Ljóst er að eftir svona langan tíma hefur orðið óásættanleg töf á öllum þessum þáttum í meðhöndlun sjúklinga spítalans og uppsafnaður verkefnalisti er langur,“ segir m.a. í ályktun læknaráðsins, en um ástandið á spítölunum er fjallað í Morgunblaðinu í dag.

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir