Tilkynnt var um eld í Menntaskólanum við Sund rétt fyrir 11 í kvöld, en kviknað hafði í nýbyggingu skólans. Bílar frá fjórum stöðvum voru sendir á vettvang. Mikill reykur var á staðnum, en greiðlega gekk að slökkva. Ekki er vitað um eldsupptök að svo stöddu.
Samkvæmt upplýsingum frá slökkviliði leit málið illa út í byrjun, en kviknað hafði í tjörupappír og bárust margar hringingar frá nágrönnum. Þegar slökkvilið kom á staðinn var aftur á móti mestur eldur búinn.