Stefnt er að því að skrifað verði undir samninga milli Flóabandalagsins og SA á morgun, en samninganefndir félaganna hafa setið í allt kvöld við samningaborðið og verið er að klára síðustu atriði fyrir nýjan kjarasamning.

Kristján G. Gunnarsson, formaður Verkalýðs og sjómannafélag Keflavíkur, segir í samtali við mbl.is að það sé að síga á seinni hlutann í þessum viðræðum og að nú sjái fyrir endann á þeim.

Segir Kristján að búið sé að ganga frá öllum sérkjarasamningum og að verið sé að týna upp síðustu atriðin sem út af standi.

Á morgun hefur stóra samninganefnd Flóabandalagsins verið boðuð til fundar í húsnæði Eflingar, en Kristján segir að umboð hennar þurfi til að klára samninginn.

Tengdar fréttir

Kjaraviðræður

Atkvæðagreiðsla hjá Afli um verkfall

• Alvarleg staða og erfið hjá kennurum
• Vísa kjaradeilu til ríkissáttasemjara
• Ætla að koma vel lestuð á þing ASÍ
• Kjaraviðræður fara rólega í gang

» Fleiri tengdar fréttir

• Blogga um frétt