Tuttugu milljón matarskammtar eru veiddir úr sjó á degi hverjum og því er eftir miklu að slægjast ef hægt er að auka verðmæti sjávarafurða.
Þetta er meðal þess sem fram kom á í máli Kolbeins Árnasonar, framkvæmdastjóra Samtaka fyrirtækja í sjávarútvegi SFS, á aðalfundi samtakanna í gær. Þar var rætt um verðmætasköpun, markaðssetningu og tækifæri til nýsköpunar í sjávarútvegi.
„Þessi tala er sett fram til þess að setja þessi veiðitonn sem alltaf er talað um í annað samhengi,“ segir Kolbeinn í umfjöllun um mál þetta í Morgunblaðinu í dag.