Nú styttist óðum í rimmu Gunnars Nelson við Bandaríkjamanninn harðsvíraða Brandon Thatch á UFC Night í Las Vegas. Bardaginn á ekki að hefjast fyrr en um klukkan 2 eftir miðnætti, en fyrir nátthrafna sem vilja horfa á hann í góðum félagsskap er nóg í boði. mbl.is tók saman lista yfir þá staði sem hafa sent póst og sagst ætla að sýna keppnina á skjá, en listann má sjá neðar í fréttinni.
Bardaginn verður að sjálfsögðu í beinni lýsingu hér á mbl.is.
Gunnar fór í vigtun í gær og reyndist vera rétt undir hámarksþyngd í veltivigtarflokknum. Hann horfðist þar í augu við Thatch og virtist hvergi banginn.
Frétt mbl.is: Horfðist í augu við andstæðinginn
Haraldur Dean Nelson, faðir Gunnars, er vongóður um sigur í kvöld þrátt fyrir að veðbankar virðist frekar veðja á Thatch.
Frétt mbl.is: Hafa veðbankarnir rangt fyrir sér?
„Ég held að Gunni komi okkur á óvart standandi. Thatch mun ekki ná höggum á hann að neinu ráði og Gunni tekur hann í gólfið. Ég spái því að Gunni sigri með hengingu í gólfinu,“ segir Haraldur Dean Nelson, faðir Gunnars, í samtali við Morgunblaðið.
Frétt mbl.is: Nýr og betri Gunnar Nelson
Staðir sem sýna bardagann í kvöld:
Aðalbakarinn á Siglufirði
American Bar
Bjarni Fel Sportbar
Café Riis á Hólmavík
English Pub
Frón Selfossi
Gullöldin
Hvíti Riddarinn Mosfellsbæ
Kaffi Egilsstaðir
Kaffihúsið Eskifirði
Lavabarinn
Lebowski Bar
Réttin í Úthlíð
Riddarinn Kópavogi
Rio Sportbar
RúBen Grundarfirði
Spot Kópavogi
Vitakaffi á Akranesi
Vínsmakkarinn Laugavegi 73
Ölhúsið Hafnarfirði
Ölver
Listinn inniheldur þá staði sem sent hafa póst og bent á að bardaginn verði sýndur í þeirra húsakynnum. Við hvetjum þá staði sem hyggjast sýna rimmuna, en eru ekki á listanum, til að senda póst á netfrett@mbl.is.