Helgi Tómasson, listrænn stjórnandi San Francisco-ballettsins, stefnir að því að koma með danshópinn til Íslands og setja upp sýningu.
Hann hefur skoðað aðstæður í Hörpu með slíka heimsókn í huga. Þetta kemur fram í viðtali við Helga í Morgunblaðinu í dag.
„Tónlistarhúsið er ekki hannað fyrir stóra sýningu en sviðið er nokkuð stórt og það á að vera hægt að setja upp þokkalega sýningu í húsinu. Hljómburðurinn er líka góður og Eldborgarsalurinn tekur marga í sæti,“ segir Helgi.