Flutti frá Frankfurt til Djúpuvíkur

Claus í gömlu síldarverksmiðjunni
Claus í gömlu síldarverksmiðjunni Ljósmynd/Ágúst Atlason

„Líklega var „þetta reddast“ orðasambandið sem ég heyrði mest eftir að ég kom til Íslands. Það tók Þjóðverja úr ströngu reglu- og skipulagssamfélagi smá tíma að venjast íslensku leiðinni við rekstur,“ segir Þjóðverjinn Claus Sterneck. Claus heillaðist af Íslandi, og þá sérstaklega þorpinu Djúpuvík á Ströndum, eftir fyrstu heimsókn sína til landsins í ágúst árið 2003. Á næstu árum gerði hann sér reglulega ferð til Djúpuvíkur og ekki leið á löngu þar til hann var kominn með sumarstarf á hótelinu á staðnum. Í dag býr Claus á Íslandi, vinnur hjá póstinum á veturna, en á Hótel Djúpuvík á sumrin. Staðurinn veitti honum innblástur til að byrja að taka myndir og í dag stundar hann ljósmyndun af kappi.

Frá sýningunni STEYPU
Frá sýningunni STEYPU Ljósmynd/Claus

Setur upp ljósmyndasýningu í síldarverksmiðju

Undanfarin ár hefur hann staðið fyrir ljósmyndasýningunni STEYPU í gömlu síldarverksmiðjunni á Djúpuvík. Þar sýna ljósmyndarar frá öllum heimshornum myndir sínar, en helsta skilyrðið til að fá að sýna er að myndirnar séu teknar á Íslandi. Hann segir þorpið hafa fangað hug sinn við fyrstu sýn.

„Bærinn er svo afskekktur, næstu nágrannar sem búa á svæðinu allt árið eru í átján kílómetra fjarlægð,“ segir Claus um fyrstu upplifun sína af Djúpuvík. „Ég er frá stað í Þýskalandi sem heitir Frankfurt. Þar er umferð, hávaði, ljósmengun og troðningur af fólki allan daginn. Sumarið 2003 var sérstaklega heitt í Þýskalandi, en í Djúpuvík gat ég andað að mér hreinu lofti í fyrsta skipti í margar vikur. Auk þess sá ég norðurljósin í fyrsta sinn.“

Djúpavík úr lofti - hér má sjá bæði síldarverksmiðjuna og ...
Djúpavík úr lofti - hér má sjá bæði síldarverksmiðjuna og Hótel Djúpuvík. Ljósmynd/Claus

Eini gesturinn á hótelinu

Claus gisti á Hótel Djúpuvík í fyrstu heimsókn sinni og var þar eini gesturinn í viku. Eftir kynni sín af staðnum ákvað hann að koma aftur ári síðar. Árið 2006 fékk hann síðan starf við að hjálpa til á hótelinu. Hann hafði aldrei starfað á hóteli áður og aldrei eytt löngum tíma utan Þýskalands, en kveðst þakklátur hjónunum Evu og Ásbirni á hótelinu fyrir að veita sér tækifæri til að dvelja þar langdvölum.

Hann er uggandi yfir stórauknum ferðamannastraumi til Íslands undanfarin ár og kveðst óska þess að Djúpavík verði ekki eins þéttsetin ferðafólki og suðurhluti landsins.

„Ég sé sífellt fleiri neikvæðar breytingar. Miðbær Reykjavíkur er að tapa sjarma sínum og breytast í eina stóra „minjagripaverslun með veitingastað inni á hóteli“,“ segir Claus. Að hans mati þarf Ísland að fá að hvíla sig og „anda“.

Frá Djúpuvík
Frá Djúpuvík Ljósmynd/Claus

Hitti eiginkonuna í verksmiðjunni

Claus er 45 ára gamall í dag. Hann er giftur franskri konu, Frédérique sem býr þó í Frakklandi, en þau kynntust fyrst á Djúpuvík árið 2007. „Hún var í skipulagðri ferð í síldarverksmiðjunni, en við hittumst síðan aftur í Reykjavík fjórum árum síðar, árið 2011. Við þurftum hins vegar svolítinn tíma til að finna „okkur“.“

Hann segir markmiðið á STEYPU vera að fanga „raunverulega Ísland“, daglegt líf, íbúa o.s.frv. en ekki bara fossa og fjöll – þó þau fái vissulega einnig að njóta sín. Hann setti fyrstu sýninguna upp árið 2009, en þá voru hans eigin myndir í forgrunni. Árið 2013 kom hann hins vegar af stað sýningu með öðrum ljósmyndurum og hefur hún verið með því sniði undanfarin sumur. Í ár taka níu ljósmyndarar frá sex löndum þátt í sýningunni. Hann segir nafnið STEYPU einfaldlega koma til af byggingarefni verksmiðjunnar. „Síldarverksmiðjan er steypt, og raunar var hún ein stærsta steypta verksmiðja Evrópu á sínum tíma. Nafnið á því vel við.“

Gjögur.
Gjögur. Ljósmynd/Claus

Sköpunargleðin nýtur sín á Íslandi

Sýningin á hug hans allan á sumrin, en hann segir veturna í höfuðborginni einnig ágæta. „Að bera út póst er vissulega ekki draumastarfið mitt. Mér líkar hins vegar vel að dvelja utandyra, sérstaklega á veturna.“ Þá starfar hann í hlutastarfi hjá Listasafni Reykjavíkur, í Hafnarhúsinu, Ásmundarsafni og Kjarvalsstöðum, og líkar nálægðin við listina og fólkið í henni vel.

Aðspurður segist hann ekki hafa hugmynd um hvort hann muni dvelja hérlendis til frambúðar eða halda á aðrar slóðir. „Það er ekkert sem bindur mig á þessari eyju, ég get farið hvenær sem ég vil. Ég hef aftur á móti enga ástæðu til að hverfa á braut. Ég er ánægður hér, á vini og með vinnu. Einna þyngst vegur þó að hér get ég verið skapandi.“

Claus heldur úti heimasíðunni Claus in Iceland, auk Facebook síðu undir sama nafni þar sem fylgjast má með verkum hans og störfum.

Djúpavík að vetri
Djúpavík að vetri Ljósmynd/Claus
Krían er umdeild, en þó uppáhalds fugl Claus að hans ...
Krían er umdeild, en þó uppáhalds fugl Claus að hans sögn Ljósmynd/Claus
Claus hefur tekið myndir víða um landið. Hér sést til ...
Claus hefur tekið myndir víða um landið. Hér sést til Vestmannaeyja frá Landeyjahöfn. Ljósmynd/Claus
mbl.is

Innlent »

Krapi er á Hrafnseyrarheiði

Í gær, 22:30 Greiðfært er á Suður- og Vesturlandi samkvæmt upplýsingum frá Vegagerðinni. Einnig er víða greiðfært á Vestfjörðum. Krapi er þó á Hrafnseyrarheiði en þæfingsfærð og skafrenningur á Dynjandisheiði. Þoka er á fjallvegum á sunnanverðum fjörðunum. Meira »

„Dómur almennings liggur fyrir“

Í gær, 22:03 „Ég held að það þurfi ekkert að leita álits á þessu. Ég held að staðreyndirnar tali bara sínu máli. Þegar við stofnuðum þennan flokk var hann næststærstur íslenskra stjórnmálaflokka og þróaðist síðan upp í það að vera stærstur. Síðan hrundi hann og það getur enginn kennt öðrum um en þeim sem veittu flokknum forystu.“ Meira »

„Flugdrekaskíða“ suður Grænland

Í gær, 21:25 Fimm íslenskir fjallagarpar halda til Grænlands á fimmtudag þar sem þeirra bíður um 1200 kílómetra ferðalag yfir fjöll og firnindi í snjó og kulda. Ferðalagið hefst í Scoresby-sundi og lýkur í Isortoq. Meira »

Hvalir ná sér af ofveiði fyrri tíma

Í gær, 21:06 Breytingar á útbreiðslu hvala og fjölda þeirra eru viðfangsefni vísindamanna sem á nokkurra ára fresti reyna að telja þessi stóru spendýr í hafinu. Talsverðar breytingar hafa orðið á síðustu árum og margir þættir spila þar inn í. Meira »

Úthluta 8,2 milljónum króna

Í gær, 20:45 Rúmum 8,2 milljónum króna verður úthlutað úr Fræðslu- og verkefnasjóði UMFí í maí. Í tilkynningu frá UMFÍ segir að sjóðurinn hafi þann tilgang að styrkja félags- og íþróttastarf ungmennafélagshreyfingarinnar. Meira »

Fundu blóð á úlpu hins ákærða

Í gær, 20:34 Lögreglan fann blóð úr Birnu Brjánsdóttur á úlpu Thom­asar Møllers Ol­sens sem ákærður er fyrir að hafa myrt hana. Einnig sýndi rannsókn fram á að önnur föt hans, sem höfðu verið þvegin, höfðu komist í snertingu við mikið af blóði. Meira »

Ákærður fyrir að gabba lögreglu

Í gær, 19:35 Karlmaður á sextugsaldri hefur verið ákærður af embætti héraðssaksóknara fyrir gabb með því að hafa hringt í Neyðarlínuna og tilkynnt ranglega að hann væri slasaður og fastur undir stýri eftir umferðaróhapp. Meira »

Heimild í fjárlögum dugar ekki til

Í gær, 19:53 Heimild þarf í settum lögum til að ríkið megi selja fasteignir sínar. Heimild í fjárlögum dugar þar ekki til. Þetta segir Jón Steinar Gunnlaugsson, lögmaður og fyrrverandi hæstaréttardómari. Vakið hefur umræðu í samfélaginu og á þingi sala rík­is­ins á jörð Víf­ilsstaða til Garðabæj­ar. Meira »

Afmælisveisla Lærlinga

Í gær, 19:30 Lærlingar, eitt sigursælasta keilulið landsins, er 30 ára um þessar mundir og af því tilefni standa félagsmenn fyrir opnu húsi á Marbar við Geirsgötu í Reykjavík laugardagskvöldið 13. maí næstkomandi. Meira »

Laust rör olli eldsvoðanum

Í gær, 19:15 Rannsókn Vinnueftirlitsins hefur leitt í ljós að spennutengdur búnaður sem losnaði hafi valdið brunanum í kísilmálmverksmiðju United Silicon í Helguvík í síðustu viku. Um var að ræða rör sem tengt var rafskauti og rakst utan í stálburðarvirki byggingarinnar. Meira »

Illugi nýr stjórnarformaður

Í gær, 18:56 Tilkynnt var um nýja stjórn Byggðastofnunar á ársfundi stofnunarinnar sem haldinn var í dag í Skagafirði en nýr formaður stjórnarinnar er Illugi Gunnarsson, fyrrverandi menntamálaráðherra og þingmaður. Meira »

Ófullnægjandi aðgengi árum saman

Í gær, 18:38 Af fimmtán heilsugæslustöðvum Heilsugæslu höfuðborgarsvæðisins hefur engin náð því markmiði síðustu ár að veita 85% þeirra sem óska eftir læknisviðtali tíma innan tveggja virkra daga. Meira »

Líður betur en aðstandendur halda?

Í gær, 18:30 „Þótt Alzheimerssjúklingar geri sér ekki alltaf grein fyrir ástandi sínu er mikilvægt að hlusta á hvernig þeir sjálfir upplifa og meta lífsgæði sín, líðan og getu,“ segir Arndís Valgarðsdóttir, sálfræðingur hjá Sálfræðingum Höfðabakka, sem í tengslum við meistararitgerð sína rannsakaði þessa þætti frá sjónarhóli bæði sjúklinga og aðstandenda. Meira »

Telur um áreiti að ræða en ekki einelti

Í gær, 18:17 Hafið er yfir allan vafa að Sigríður Björk Guðjónsdóttir, lögreglustjóri höfuðborgarsvæðisins, hafi brotið gegn lögreglumanni með hegðun sinni í garð hans. Þetta er niðurstaða vinnustaðasálfræðings sem innanríkisráðuneytið fékk til þess að fara yfir kvörtun lögreglumannsins. Meira »

Telur Samfylkinguna eiga fullt erindi

Í gær, 17:40 „Ég er nú ekki sammála því, það er ekkert útséð um það. Það hafa auðvitað verið öldudalir eins og hefur gerst hjá öðrum flokkum. Við fórum mjög djúpt síðast, því er ekki að leyna, og það gefur fulla ástæðu til þess að staldra við og hugsa hlutina vel upp á nýtt,“ segir Logi Már Einarsson, formaður Samfylkingarinnar. Meira »

Stóraukinn áhugi á spænskum fasteignum

Í gær, 18:29 Áhugi Íslendinga á því að kaupa fasteignir á Spáni hefur aukist verulega. Þetta segir Grétar Jónasson, framkvæmdastjóri Félags fasteignasala. „Maður sér það á fasteignavefjunum að það er talsvert mikið framboð af eignum þarna og margir eru að auglýsa áhugaverð kauptækifæri í þessu,“ segir Grétar. Meira »

Sprengt næstu vikur í Sundahöfn

Í gær, 17:52 Sprengingar fyrirtækisins Ístaks í Sundahöfn munu halda áfram næstu þrjár vikur og verða þær á þriggja til fjögurra daga fresti. Þetta segir Karl Andreassen, framkvæmdastjóri Ístaks. Meira »

Skaginn 3X selur búnað í Drangey

Í gær, 16:50 Undirritaður hefur verið samningur á milli Skagans 3X og Fisk Seafood á Sauðárkróki um kaup Fisk Seafood á vinnslu- og lestarbúnaði fyrir nýsmíði fyrirtækisins, Drangey SK2, sem sjósett var í Tyrklandi í síðustu viku. Skipið er væntanlegt til landsins síðla sumars. Meira »
Þvottavél til sölu.
Electrolux þvottavél eitthvað biluð en nýir varahlutir fylgja, Of stýring og hu...
Trúlofunar- og giftingarhringar í úrvali
Auk gullhringa eigum við m.a. hvítagull, silfur, titanium og tungstenpör á fínu ...
HEIMAVÍK
...
 
Ráðstefna
Fundir - mannfagnaðir
Félag löggiltra endurskoðenda ENDURSK...
Aflagrandi 40 opin vinnustofa kl 9, mor
Staður og stund
Aflagrandi 40 Opin vinnustofa kl. 9, mor...
Eldri borgarar
Staður og stund
Aflagrandi 40 Opin vinnustofa kl. 9, gön...
M helgafell 6017042619 iv/v lf
Félagsstarf
? HELGAFELL 6017042619 IV/V LF Mynd...