„Við fluttum 74.000 farþega með Herjólfi í júlí. Þetta er stærsti einstaki mánuður í flutningum Herjólfs frá upphafi. Fyrra met var 66.000 farþegar og var frá júlí 2012. Þetta var algjör sprengjumánuður.“
Þetta segir Gunnlaugur Gestsson, rekstrarstjóri Herjólfs hjá Eimskip, í Morgunblaðinu í dag. Þá nefnir hann í þessu sambandi að þetta séu fleiri farþegar en Herjólfur flutti allt árið 1996.
„Sumarið er búið að vera gott eftir mjög rólegt vor, þannig að við erum nánast á pari við farþegafjöldann á sama tíma í fyrra. Við erum komnir með um 4.000 fleiri farþega en fyrstu sjö mánuðina í fyrra.“