Gera ráð fyrir sterkum hviðum

Reikna má með hviðum allt að 30-35 m/s fram á nótt, s.s. á Kjalarnesi, undir Hafnarfjalli, í Svínadal og Saurbæ í Dölum, í Reykhólasveit og við Blönduós, að því er fram kemur í tilkynningu frá Vegagerðinni.

Tilkynningin í heild:

Ábendingar frá veðurfræðingi

Hvessir af NA, einkum um landið norðvestan- og vestanvert.  Meðalvindur verður allt að 20 m/s og við þessar aðstæður verður byljótt  hlémegin við fjöll. Reikna má með hviðum allt  að 30-35 m/s  fram á nóttina.  S.s. á Kjalarnesi, undir Hafnarfjalli, í Svínadal og Saurbæ í Dölum, í Reykhólasveit og við Blönduós.

Hringvegur 1, Þingvallavegur-Brautarholtsvegur

Unnið verður við malbikun í dag miðvikudag 26. ágúst á Hringvegi 1 í Kollafirði á milli Þingvallavegar og Brautarholtsvegar.  Nokkur truflun verður á þessum vegkafla á meðan framkvæmdum stendur þar sem önnur akreininn í einu verður lokuð.

Framkvæmdir

Unnið verður við malbikun á Hringtorgi gatnamót Hafnargötu, Njarðarbraut og þjóðbraut (við KFC) í Reykjanesbæ  fimmtudaginn 27. ágúst. Áætlaður verktími er frá kl.06:00 til 19:00. Gatan verður lokuð meðan á framkvæmdum stendur. Hjáleiðir verða merktar.

Malbikun verður á Reykjanesbraut á kaflanum frá undirgöngum að Hnoðraholti niður fyrir Bæjarlind í dag miðjukudaginn 26. ágúst. Áætlaður verktími er frá kl. 13:30 til kl. 21:00.

Miðvikudaginn 26. ágúst munu malbikunarframkvæmdir fara fram í Hveradalabrekku á Hellisheiði frá kl. 6:00 og fram á kvöld. Þrengt verður að umferð og hraði tekinn niður í 50 km/klst. 

Vegfarendur eru beðnir um að virða vinnusvæðamerkingar og sýna aðgát á vinnusvæðum.

Álftanesvegur um Engidal

Næstu tvær vikur verður unnið við breikkun og lagfæringar á Álftanesvegi um Engidal milli Hafnarfjarðarvegar og Prýðihverfis. Meðan á þessari framkvæmd stendur má búast við nokkurri röskun á umferð um svæðið. Áætlað er að verkinu verði lokið að fullu 14. september n.k. Verði þörf á að koma upp tímabundnum hjáleiðum vegna einhverra þátta framkvæmdarinnar verður það auglýst sérstaklega.  Vegfarendur eru beðnir velvirðingar á óþægindum sem þetta veldur og eru hvattir til að fylgja þeim merkingum og leiðbeiningum sem uppi eru hverju sinni.

Lokað

Brúin yfir Vatnsdalsá, innst í Vatnsdal við Grímstungu er lokuð um óákveðinn tíma.

Umferðartafir í Kömbum

Unnið er við að setja niður ræsi í gegnum hringveginn á Hellisheiði efst í Kömbum. Umferð verður beint um hjáleið og verður hraði tekinn niður í 50 km/klst á þessu svæði. Áætlað er að verkinu ljúki í byrjun september.

Framkvæmdir við hringtorg á  Reykjanesbraut

Vegna framkvæmda við nýtt hringtorg á Reykjanesbraut við Fitjar verður þrengt að umferð á leið til Reykjavíkur á um 400 m kafla við Stekk.  Til að byrja með verður umferðarhraði óbreyttur meðfram vinnusvæðinu,  70 km/klst.  Áætlað er að framkvæmdum ljúki í nóvember.

Vinna við undirgöng í Mosfellsbæ

Vegna framkvæmda við undirgöng undir Vesturlandsveg á móts við Aðaltún í Mosfellsbæ, er umferð þar beint um hjáleið. Hraði er tekinn niður í 50 km/klst. Áætlað er að nota þurfi hjáleiðina fram yfir miðjan september og að framkvæmdum ljúki í nóvember.                       

Vegfarendur eru beðnir velvirðingar á óþægindum sem þetta veldur og eru hvattir til að fylgja þeim merkingum og leiðbeiningum sem uppi eru hverju sinni.

Hálendi

Hálendisvegir eru nú flestir opnir en sumstaðar er þó aksturbann áfram í gildi, sjá nánar hér.

• Blogga um frétt