„Framkvæmdastjórn Evrópusambandsins er kunnugt um álit umboðsmanns sambandsins og vinnur að því að meta áhrif þess sem og næstu skref.“

Þetta segir Maja Kocijancic, talsmaður stækkunardeildar Evrópusambandsins, í svari við fyrirspurn frá mbl.is. Eins og fjallað hefur verið um hefur umboðsmaður Evrópusambandsins gagnrýnt framkvæmdastjórn sambandsins harðlega fyrir að hætta einhliða að veita svonefnda IPA-styrki til verkefna á Íslandi en styrkirnir voru veittir í tengslum við umsókn Íslands um inngöngu í Evrópusambandið.

Fram kemur í áliti umboðsmannsins að framkvæmdastjórnin telji að ekki hafi verið réttalætanlegt að fjármagna áfram verkefnin á Íslandi eftir að ljóst var að Ísland stefndi ekki að því að ganga í Evrópusambandið. Umboðsmaðurinn telur hins vegar að umsóknarferlið sé ekki forsenda þess að framkvæmdastjórnin standi við gerða samninga um styrkina.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt