Skipulagsyfirvöld á Seltjarnarnesi hafa frest þar til skrifstofutíma lýkur á morgun, föstudag, til að bregðast við kröfu lögmanns um að framkvæmdir verði stöðvaðar við nýtt fjölbýlishús á Hrólfsskálamel. Töldu nágrannar húsið of stórt.
Fram kemur í bréfi lögmannsins, Páls Kristjánssonar hdl., til úrskurðarnefndar umhverfis- og auðlindamála að nágrannar telji framkvæmdina brot á deiliskipulagi.
Í Morgunblaðinu í dag segir Þórður Ó. Búason, skipulags- og byggingarfulltrúi á Seltjarnarnesi, bæjarfélagið undirbúa viðbrögð við þessari kröfu um stöðvun framkvæmda.