Byggingarfulltrúi í Reykjavík hefur heimilað niðurrif Hafnarstrætis 19 vegna nýbyggingar fyrir hótel. Styr hefur staðið um niðurrifið vegna verndunarsjónarmiða.
Freyr Frostason, arkitekt hjá THG arkitektum, er aðalhönnuður nýs hótels í Hafnarstræti. Hann segir stefnt að því að hefja niðurrif Hafnarstrætis 19 á næstu dögum. Vinna við niðurrif á húsinu innandyra sé þegar hafin.
Freyr segir óákveðið hvenær hótelið opnar. Hann segir aðspurður þá breytingu hafa orðið á hönnun hótelsins að herbergjum hafi verið fækkað úr 70 í 50.