Hluta af skúlptúr sem var til sýnis í anddyri Hallgrímskirkju var stolið þaðan í hádeginu í dag. Að sögn myndlistarmannsins Helga Þorgils Friðjónssonar er þjófsins nú leitað.
„Þetta hvarf á milli klukkan 11 og 12 í dag. Þeir eru nú að skoða upptökur eftirlitsmyndavélar en ég veit ekki hvað kemur út úr því,“ segir Helgi Þorgils í samtali við mbl.is.
„Þetta er alltaf bæði leiðinlegt og tjón að auki. En það var búið að vara mig við enda er auðvelt að stinga þessu inn á sig. En ég var búinn að líma verkin vel niður þannig að þjófurinn hefur þurft að hafa mikið fyrir þessu.“