Miklar endurbætur standa nú fyrir dyrum á verslun Kaupfélags Skagfirðinga í Varmahlíð í Skagafirði.
Þar er einn af vinsælustu viðkomustöðum við þjóðveginn og hjá mörgum sem eru á landshornaflakki er fastur liður að staldra þar við.
Búið er að gera skissur að breyttri búð í Varmahlíð en gert er ráð fyrir að þær framkvæmdir hefjist á næsta ári. Svipur annarra nýlegra vegaskála á landinu verður þar hafður til hliðsjónar, segir Þórólfur Gíslason kaupfélagsstjóri í umfjöllun um framkvæmdir þessar í Morgunblaðinu í dag.