Um fjörutíu til fimmtíu manns eru mættir á samstöðufund á Lækjartorgi, en boðað hefur verið til hans undir formerkjunum „Líf allra skipta máli“.
Það er hópurinn Ekki fleiri brottvísanir sem stendur að fundinum sem hófst klukkan 15. Á Facebooksíðu hópsins segir: „Sýnum að okkur sé ekki sama um þá né aðra sem hingað leita í leit að aðstoð og stað til að skapa sér heimili. Sýnum að þeirra líf skipti jafn miklu máli og líf þeirra sem eru fæddir hér. Mætum á Lækjartorg á laugardaginn og þrýstum á stjórnvöld að leyfa þeim að vera.“
Sjá nánar á Facebooksíðu fundarins.