Með soninn ofan í kerru á Reykjanesbraut

Lögreglan á Suðurnesjum stöðvaði í gær sendibifreið sem ekið var eftir Reykjanesbraut. Lögreglan segir að það hafi verið gert af „ærinni ástæðu“ enda hafi barn setið í rallíbíl sem var á kerru sem sendibifreiðin dró á eftir sér.

Svo segir í tilkynningu sem lögreglan hefur sent frá sér.

„Í ökumannssæti rallýbifreiðarinnar sat barn sem reyndist vera sonur ökumanns sendibifreiðarinnar. Barnið var með öryggisbelti yfir báðar axlir. Ökumaðurinn var færður yfir í lögreglubifreiðina til viðræðna og honum gerð grein fyrir því að svona athæfi væri ekki liðið,“ segir í tilkynningu frá lögreglunni.

Hún tekur fram að faðirinn hafi lofað bót og betrun

• 1 blogg um fréttina

Bloggað um fréttina

• Ómar Ragnarsson: Það er af sem áður var.