Samþykktu að draga tillöguna til baka

Frá borgarstjórnarfundi í dag.
Frá borgarstjórnarfundi í dag. mbl.is/Styrmir Kári

Borgarstjórn Reykjavíkur samþykkti á aukafundi sem lauk nú í kvöld að draga til baka tillögu sem samþykkt var þann 15. september þess efnis að sniðganga vörur sem eiga uppruna sinn í Ísrael. Tillögurnar, sem voru samhljóða tillögur frá meiri- og minnihluta, voru samþykktar með öllum greiddum atkvæðum.

Tillögur minni- og meirihluta voru sameinaðar til að draga úr því að minnihlutinn væri að leiðrétta það sem meirihlutinn hefði gert rangt, segir Halldór Halldórsson. Hann lýsti vonbrigðum með að meirihlutinn hefði ekki tekið til greina ítrekaðar ábendingar um að draga greinargerðina með tillögu sinni til baka.

Hann sagði að það myndi draga dilk á eftir sér.

Miklar umræður sköpuðust á fundinum. Framan af snérust umræðurnar aðallega um þá ákvörðun að spyrða saman tillögur meiri- og minnihluta þess efnis að draga tillöguna til baka. Minnihlutinn var ósáttur við þá ákvörðun, og sagði það tilraun meirihlutans til að skrifa söguna sér í hag og geta sagt að tillaga meirihlutans hafi verið samþykkt.

Borgarfulltrúar minnihlutans vöktu hins vegar athygli á að tillaga minnihlutans hafi komið fram á undan, auk þess sem greinargerðir með tillögunum væru ekki sambærilegar. Í greinargerð meirihlutans væri til að mynda gert ráð fyrir að vinna málið áfram og útfæra sniðgöngu frekar. Fulltrúum minnihlutans þótti með því ekki nóg að gert til að takmarka það tjón sem þeir sögðu tillöguna þegar hafa valdið íslenskum efnahag.

Kjartan Magnússon, borgarfulltrúi Sjálfstæðisflokksins, fór meðal annars fram á að borgarstjóri segði af sér og Júlíus Vífill gerði því einnig skóna.

Björn Blöndal sagði í ræðu sinni að fyrir hefði farist að tiltaka að sniðganga ætti vörur frá hernumdu svæðum Palestínu, ekki Ísrael í heild.

Hjálmar Sveinsson sagði í andsvörum við ræðu sem Kjartan Magnússon hélt að tilgangur ræðunnar hafi umfram allt verið að koma höggi á vinsælan borgarstjóra.

Skúli Helgason borgarfulltrúi sagði ekkert benda til að hætt væri við uppbyggingu hótels við Hörpureit. Hann vísaði til yfirlýsingar sem send var fjölmiðlum í morgun. Í henni stóð meðal annars:

„Við látum öðrum eftir pólitísk úrlausnarefni, hvort heldur er á Íslandi eða á alþjóðlegum vettvangi. Sjálfur hef ég fulla trú á umburðarlyndi Íslendinga og virðingu þeirra fyrir öllu fólki,“ segir Richard L. Friedman, forsvarsmaður fjárfesta í Edition Hotel Project, í yfirlýsingu.

Júlíus Vífill sagði í ræðu sinni að hann óttaðist að borgarbúar héldu að borgarstjórn ynni mál með þeim hætti og hann sagði raunina hafa verið með það mál sem nú er til umræðu. Hann segir þessi vinnubrögð hins vegar einsdæmi, hann hefði ekki séð önnur eins vinnubrögð á sínum langa ferli.

Júlíus Vífill sagði nauðsynlegt að vinna aftur traust „hins almenna gyðings.“ Það dugaði ekki að vera reiður sjálfum sér, það dygði skammt til að bæta tjón þeirra sem hann segir að tillagan hafi valdið.

„Á borgarstjóra hvílir mikil ábyrgð,“ segir Júlíus, og að hver borgarstjóri verði að axla þá ábyrgð og að margir borgarstjórar hafi þurft að leggja sína persónu til hliðar gegnum tíðina.

Kjartan Magnússon, borgarfulltrúi Sjálfstæðisflokksins, sagði á fundinum að borgarstjóri ætti að lágmarka tjónið sem hann sagði hina fyrri tillögu hafa valdið með því að segja af sér, og uppskar lófatak frá hluta áhorfenda á pöllum ráðhússins.

Dagur B. Eggertsson sagði þörf á að skerpa á því hver stefna Íslands sé að versla við hernumdu svæðin. Það væri hins vegar ekki hlutverk borgarstjórnar.

Hann rifjaði upp að tillögur þess efnis að vörur frá hernumdu svæðum Palestínu væru sérmerktar hefðu fengið jákvæða umsögn í utanríkisráðuneytinu.

„Að þekkja og virða sín valdamörk er eitt mikilvægasta verkefni stjórnmálamanna og það þarf stöðugt að vera í gangi. Þetta er líka eitt af þeim gildum sem sá flokkur sem ég starfa fyrir leggur mikla áherslu á,“ sagði Halldór Auðar Svansson meðal annars í ræðu sinni. „Ég hef oft verið gagnrýninn á vald annarra og látið í mér heyra þegar mér finnst því vera illa beitt, til dæmis þegar mér finnst lögreglan ekki gæta meðalhófs eða forsætisráðherra seilast inn á verksvið sveitarfélaga í óþökk þeirra. Sú gagnrýni yrði af engu höfð ef ég gerði sjálfan mig og einhverja félaga mína undanskilda frá slíkri gagnrýni og lokaði eyrunum þegar ég fæ á mig málefnalega gagnrýni á það hvernig ég hegða mér sjálfur.“

Áslaug María Friðriksdóttir, borgarfulltrúi Sjálfstæðisflokksins, sagði í ræðu sinni að svo virtist sem fulltrúum meirihlutans væri sama um þær afleiðingar sem tillagan sem samþykkt var 15. september hefur að hennar mati haft í för með sér.

Hún segir engu máli skipta hvernig borgarfulltrúum líði vegna þessa, heldur sé það eina sem skipti nú máli að lágmarka skaðann eftir að meirihlutinn sendi þau kolröngu skilaboð að sniðganga vörur frá heilli þjóð.

„Þetta eru ótrúlegir stælar og undanbrögð,“ sagði Áslaug að meirihlutinn hafi sýnt af sér. „Þetta er fáránleg niðurstaða.“ Hún rifjaði upp orð borgarstjóra í byrjun fundar þess efnis að greinargerðir skiptu ekki máli, aðalmálið væri að verið væri að draga tillöguna til baka. Annað segir hún að hafi komið í ljós í máli borgarfulltrúanna, sem hún segir „fabúlera“ um að skaðinn sé nánast enginn.

Dagur B. Eggertsson á fundinum í dag.
Dagur B. Eggertsson á fundinum í dag. mbl.is/Styrmir Kári
mbl.is/Styrmir Kári
Sjálfstæðismenn ráða ráðum sínum.
Sjálfstæðismenn ráða ráðum sínum. mbl.is/Styrmir Kári
mbl.is/Styrmir Kári
mbl.is

Innlent »

Dagskrá hefst á Ingólfstorgi klukkan 15

Í gær, 23:59 Íslenska kvennalandsliðið í knattspyrnu spilar sinn annan leik í lokakeppni EM í Hollandi á morgun, laugardag, þegar liðið mætir Sviss. Leikurinn verður sýndur í beinni útsendingu á EM-torginu við Ingólfstorg. Meira »

Allt að 24 stiga hiti

Í gær, 23:41 Vaxandi suðaustanátt verður á morgun, 8-15 metrar á sekúndu seinnipartinn. Hvassast verður við suðvesturströndina og á norðanverðu Snæfellsnesi, þar sem búast má við snörpum hviðum. Meira »

Finn uppskrift að túnfisksalati fyrir sólmyrkvann

Í gær, 22:12 Ingvi Gautsson hefur stofnað viðburð á Facebook fyrir sólmyrkva sem verður 11. júní 2048.  Meira »

Íslendingur listrænn stjórnandi Dunkirk

Í gær, 21:28 Á miðvikudaginn var frumsýnd á Íslandi stórmyndin Dunkirk eftir einn virtasta kvikmyndaleikstjóra samtímans, Christopher Nolan. Myndin sem fjallar um flótta Breta frá samnefndri borg í byrjun seinni heimsstyrjaldarinnar hefur hlotið framúrskarandi dóma. Meira »

Biður fólk að mæta á mótið

Í gær, 21:15 „Ég veit það ekki alveg, þetta var eiginlega meiri tilviljun en ígrunduð ákvörðun,“ segir Guðmundur Einarsson, kylfingur og rútubílstjóri Isavia, spurður um styrktargreiðslur sínar til samtakanna Einstakra barna. Meira »

„Nú? Er Ísland eyja?“

Í gær, 20:34 Nær strandlengjan allan hringinn í kringum eyjuna? Er mikið um jökla í ár? Hvenær kviknar á norðurljósunum? Þær eru oft kostulegar spurningarnar sem leiðsögumenn á Íslandi fá frá erlendum ferðamönnum. Leiðsögumenn deila nú skemmtilegum reynslusögum úr bransanum. Meira »

Makríll veiðist fyrir austan og vestan

Í gær, 19:37 Vikingur AK er væntanlegur til Vopnafjarðar seint í kvöld með rétt tæplega 600 tonn af makríl sem fengust í veiðiferð á miðunum úti af Suðausturlandi. Meira »

Tunguliprir sölumenn teknir höndum

Í gær, 19:46 Tveir sölumenn voru handteknir á höfuðborgarsvæðinu í fyrradag, en lögreglan varaði við þeim í byrjun vikunnar vegna grunsemda um fjársvik. Meira »

Lést eftir vinnuslys í Keflavík

Í gær, 19:05 Maðurinn sem slasaðist við vinnu sína í Plast­gerð Suður­nesja í dag hefur verið úrskurðaður látinn. Þetta staðfestir lög­regl­an á Suður­nesj­um í sam­tali við mbl.is. Meira »

Keppt í þriggja daga fjallahjólreiðum

Í gær, 18:54 Fjallahjólakeppnin Glacier 360 fer fram í annað sinn á Íslandi dagana 11.-13. ágúst en hjólað er umhverfis Langjökul á þremur dögum. Eingöngu er keppt í pörum og er þetta eina fjöldaga fjallahjólakeppnin á Íslandi. Meira »

Hverfandi líkur á að finna Begades

Í gær, 18:10 Tíu björgunarsveitarmenn leituðu að Nika Begades í Hvítá í dag. Drónar hafa verið nýttir við leitina og þá eru net sem búið er að koma fyrir í ánni vöktuð. Eftir því sem lengra líður frá því að Begades féll í ána við Gullfoss minnka líkurnar á að hann finnist að sögn yfirlögregluþjóns á Suðurlandi. Meira »

Brasilíumaðurinn í gæsluvarðhald

Í gær, 17:24 Hæstiréttur staðfesti í dag úrskurð Héraðsdóms Reykjaness um að bras­il­ískur karl­maður, sem hefur verið dæmdur í þriggja og hálfs árs fang­elsi fyr­ir stór­fellt fíkni­efna­laga­brot, sæti gæsluvarðhaldi á meðan áfrýjunarfrestur varir og mál hans sætir meðferð fyrir Hæstarétti. Meira »

Maður grunaður um íkveikju hjá Vogi

Í gær, 17:05 Lögreglan leitar að manni sem er grunaður um að hafa kveikt í bif­reið hjá Vogi nærri Stór­höfða í dag. Ekki er enn vitað með hvaða hætti maðurinn kveikti í bílnum. Meira »

Verslunarhúsnæði rís við Akrabraut

Í gær, 16:15 Við Akrabraut 1 í Garðabæ eru hafnar framkvæmdir á lóð þar sem um 1.400 fermetra verslunarhúsnæði rís. Íbúi í nágrenninu er ekki sáttur við framkvæmdirnar sem hann segir að ekki hafi verið greint frá í kynningarefni á aðalskipulagi ársins 2016 - 2030 í vor. Meira »

Skoða neyðarloku hjá Hörpu í haust

Í gær, 15:10 Skoðað verður í haust hvort opnunarbúnaður neyðarloku skólp­dælu­stöðvarinnar hjá Hörpu sé gerður úr sama efni og gallaður búnaður lokunnar hjá dælu­stöðinni við Faxaskjól. Þær voru settar niður á svipuðum tíma, árin 2014 og 2015 þegar skipt var um á báðum stöðum. Meira »

Misþyrming á lambi kærð til lögreglu

Í gær, 16:26 Matvælastofnun hefur kært til lögreglu dráp á lambi sem ferðamenn skáru á háls í Breiðdal fyrr í þessum mánuði. Fram kemur í krufningarskýrslu að lambið hlaut mikla áverka áður en það var aflífað. Meira »

Ný spá um orkunotkun til ársins 2050

Í gær, 16:11 Orkustofnun hefur gefið út raforkuspá sem fjallar um raforkunotkun fram til ársins 2050. Skýrslan er endurunnin úr síðustu raforkuspá frá árinu 2015 á vegum orkuspárnefndar út frá nýjum gögnum og breyttum forsendum. Meira »

Varðhald framlengt um fjórar vikur

Í gær, 15:10 Maðurinn sem grunaður er um að hafa orðið Arn­ari Jóns­syni Asp­ar að bana 7. júní síðastliðinn var úrskurðaður í áframhaldandi fjögurra vikna gæsluvarðhald í Héraðsdómi í morgun. Þetta staðfestir Grímur Grímsson aðstoðar­yf­ir­lög­regluþjónn. Meira »
Hreinsa þakrennur/ ryðbletta þök
Hreinsa þakrennur ryðbletta þök og tek að mér ýmis smærri verkefni. Uppl. í síma...
Byggingastjórn - Húsasmíðameistari
Tek að mér byggingastjórn og uppáskrift húsasmíðameistara fyrir einstaklinga og ...
 
Félagsstarf
Staður og stund
Árskógar 4 Smíðar/útskurður m./leiðb. kl...
Breyting á aðal- og deiliskipulagi
Tilkynningar
Auglýsing um skipulag á Akranesi Till...
Deiliskipulag
Tilboð - útboð
Kjósarhreppur Kjósarhreppur a...
Félagsstarf
Staður og stund
Árskógar 4 Opin smíðastofa kl. 9-16. Sun...