Sex slökkviliðsmenn af höfuðborgarsvæðinu hjóluðu um svokallaðan Eyfirðingaveg á laugardag.
Farið var um þann hluta sem liggur frá Kaldadal að Skjaldbreið og þaðan að Hlöðufelli. Frá Hlöðufelli lá leiðin um Rótarsand og Hellisskarð í Úthlíð í Biskupstungum þar sem slegið var upp grillveislu.
Með í för voru þrír aðstoðarmenn á tveimur bílum, að því er fram kemur í umfjöllun um hjólatúrinn í Morgunblaðinu í dag.