„Hér á landi innheimtast um 25–35% af útistandandi sektum en í Noregi innheimtast 90–95% sekta.“
Þetta segir í svari Ólafar Nordal innanríkisráðherra, í svari við fyrirspurn Brynhildar Pétursdóttur, þingmanns Bjartrar framtíðar, um innheimtu dómsekta.
Dómsektir eru þær sektir sem dómarar kveða upp í refsimálum og segir í svari ráðherra að efla þurfi innheimtu sekta eins og kostur er, enda séu útistandandi sektir um sex milljarðar króna. Innheimta gæti verið mun betri, að því er fram kemur í Morgunblaðinu í dag.