„Vefurinn er ekki aðgengilegur“

Vefsíða Landsbankans liggur niðri þessa stundina en ekki er ljóst hvað veldur því. Bráðabirgðasíða hefur verið sett upp í stað vefsíðu bankans þar sem segir:

„Vefurinn er ekki aðgengilegur. Vegna rekstrartruflana er vefurinn landsbankinn.is ekki aðgengilegur. Unnið er að viðgerð. Vinsamlegast reynið aftur síðar. Við biðjumst velvirðingar á óþægindunum sem þetta kann að valda.“

Uppfært 23:00: Landsbankinn hefur sent frá sér eftirfarandi tilkynningu vegna málsins: „Vefur Landsbankans var ekki aðgengilegur í um klukkustund og truflun varð á innskráningum í netbanka vegna bilunar. Bilunin varð um kl. 17.50 og vefurinn var kominn í lag um kl 18.50. Landsbankinn biðst velvirðingar á óþægindum sem þetta kann að hafa valdið.“

• Blogga um frétt