Hörð gagnrýni kemur fram í umsögnum bílaleigufyrirtækja vegna frumvarps fjármálaráðherra um breytingar á forsendum fjárlaga.
Þar stendur til að afnema undanþágu frá vörugjöldum sem bílaleigur hafa notið á innfluttum bílum.
Bílaleigurnar telja þetta hafa alvarleg áhrif á reksturinn og draga verulega úr innflutningi bíla, að því er fram kemur í fréttaskýringu um mál þetta í Morgunblaðinu í dag. Er fjármálaráðuneytið sakað um að vinna ítrekað gegn hagsmunum bílaleigna.