Spyr um afsökunarbeiðni vegna Íraksstríðsins

Svandís Svavarsdóttir, þingmaður Vinstri grænna, lagði fram fyrirspurn á Alþingi í dag þar sem hún spyr forsætisráðherra hvort það sé von á afsökunarbeiðni stjórnvalda til Íslendinga vegna aðdraganda Íraksstríðsins.

Í fyrirspurninni er bent á að Tony Blair, fyrrverandi forsætisráðhera Bretlands, hafi beðist afsökunar á rangri upplýsingagjöf til bresks almennings í aðdraganda Íraksstríðsins sem hófst árið 2003, og spyr Svandís því hvort að íslensk stjórnvöld muni gangast fyrir sambærilegri afsökunarbeiðni til Íslendinga. Segir hún að sömu blekkingar hafi verið notaðar til að skipa íslenska ríkinu í hóp stuðningsríkja stríðsins gegn Írak.

Blair baðst afsökunar á röngu upplýsingagjöfinni í síðasta mánuði og viðurkenndi að tengsl kynnu að vera á milli inn­rás­ar­inn­ar og upp­gangs Rík­is íslams. Hann neit­ar þó enn að biðjast af­sök­un­ar á stríðinu sjálfu.

Fyrri frétt mbl.is: Tengsl milli Íraksstríðsins og ISIS

• 1 blogg um fréttina

Bloggað um fréttina

• Torfi Kristján Stefánsson: Hvað með afsökunarbeiðni vinstri stjórnarinnar vegna Libýu?