Feðgarnir Aðalsteinn Gíslason og Stefán Aðalsteinsson hafa selt rekstur Welcome Apartments til félags í eigu fasteignaþróunarfélagsins Mannverks. Kaupverðið er trúnaðarmál.
Welcome Apartments leigði út 25 hótelíbúðir þegar reksturinn var seldur í byrjun nóvember. Íbúðirnar eru allar í húsum á horni Lindargötu og Vatnsstígs.
Þeir feðgar hófu reksturinn snemma árs 2010. Síðan hefur mikið vatn runnið til sjávar og hótelgeirinn breyst mikið. Í umfjöllun um mál þetta í Morgunblaðinu í dag segir Aðalsteinn hvatann að stofnun fyrirtækisins hafa verið þann að skapa þeim feðgum atvinnutækifæri.