Ökumaðurinn sem lést í umferðarslysinu í Öræfum á annan dag jóla var frá Japan. Hann var 46 ára gamall og lætur eftir sig eiginkonu og tvö ung börn. Þetta kemur fram á Facebooksíðu lögreglunnar á Suðurlandi.
Slysið varð á einbreiðri brú yfir Hólá, austan við Hnappavelli í Öræfum. Samkvæmt upplýsingum frá lögreglunni á Höfn í Hornafirði skullu tvær bifreiðar saman á brúnni.
Maðurinn sem lést var ásamt fjölskyldu sinni í bifreiðinni. Í hinni bifreiðinni voru karl og kona bæði frá Kína. Aðdragandi slyssins er til rannsóknar hjá lögreglunni á Suðurlandi.
Allt fólkið var flutt með þyrlum Landhelgisgæslunnar á Landspítalann en ekkert þeirra reyndist alvarlega slasað og hafa þau öll verið útskrifuð af sjúkrahúsi.
Þrír undir eftirliti á Landspítalanum