Eldur logar í íbúð Flúðaseli í Breiðholti samkvæmt upplýsingum frá Slökkviliðinu á höfuðborgarsvæðinu.
Samkvæmt heimildum mbl.is er mikill liðsafli á svæðinu, jafnt sjúkrabílar sem og stærri slökkvibílar. Engar upplýsingar hafa þó fengist um umfang eldsins.
Samkvæmt upplýsingum frá Slökkviliðinu á höfuðborgarsvæðinu eru slökkvilið tveggja stöðva við slökkvistörf í götunni.
Uppfært 21:02
Búið er að ráða niðurlögum eldsins en nokkuð er þó af sóti og reyk í íbúðinni. Svo virðist sem kviknað hafi í rúmdýnu. Samkvæmt upplýsingum frá slökkviliði urðu engin slys á fólki. Íbúðin er hinsvegar þó nokkuð skemmd en verið er að reykræsta hana.