„Ferðasjúki barþjónninn“ snýr aftur

Maðurinn hlaut 6 mánaða fangelsi vegna brotanna.
Maðurinn hlaut 6 mánaða fangelsi vegna brotanna. mbl.is/Ómar Óskarsson

Fyrir helgi var 34 ára eistneskur karlmaður dæmdur í 6 mánaða fangelsi fyrir fjársvik þegar hann sveik út flugmiða hjá Icelandair á kreditkort sem ekki voru í hans eigu. Þetta er í annað skiptið sem hann er dæmdur fyrir slíkt athæfi hér á landi. Þá hefur maðurinn fengið fjölda dóma erlendis vegna svipaðra brota. Í fórum hans fannst mikið magn af óútfylltum brottfararspjöldum annarra flugfélaga, óútfylltra boðsmiða og beiðnabækur erlendra fyrirtækja. Héraðsdómur taldi ekki rétt að gera þessa muni upptæka, nema brottfaraspjald sem hann hafði notað til að komast til Íslands.

„Ferðasjúki barþjónninn“

Maðurinn var árið 2007 nefndur „ferðasjúki barþjónninn“ í fjölmiðlum, en þá var hann dæmdur í 4 mánaða fang­elsi fyr­ir að svíkja í 9 skipti út farmiða hjá Icelanda­ir, sam­tals að and­virði rúm­lega 800 þúsund krón­ur. Hafði hann þá nýtt sér aðstöðu sína sem barþjónn í London til að komast yfir kreditkortanúmer sem hann notaði á ólögmætan hátt.

Í dómi héraðsdóms í nýja dómnum kemur fram að í sumar hafi hann svikið út farmiða í flug hjá Icelandair fyrir samtals 2.212 evrur, eða samtals um 327 þúsund krónur. Voru greiðslur fyrir flugið framkvæmdar með bandarísku greiðslukorti sem tilheyrði öðrum manni sem ekki vissi af færslunum.

Áður hafði hann verið settur á svartan lista hjá Icelandair vega fyrra brots, en hann breytti nafni sínu örlítið við bókunina síðasta sumar og komst þannig fram hjá síum félagsins.

Með fullt af óútfylltum brottfararspjöldum

Þegar tollverðir stoppuðu manninn í Keflavík var honum gert að sæta upptöku á beiðnabók frá hótelkeðjunni Hyatt Regency, þremur stimplum sem tengjast flugrekstri og 243 óútfylltum brottfararspjöldum frá Iberia, United, Roytal Jordanian, Alitalia og Aeroflot Russian Airlines. Þá var einnig í fórum hans 17 óútfylltir boðsmiðar merktir United, 17 nælur merktar ýmsum flugfélögum og óútfylltir merkimiðar ætlaðir áhafnarmeðlimum ýmissa flugfélaga.  Þá var hann með nokkurn fjölda kreditkorta sem báru með sér að vera ekki í hans eigu.

Skýring mannsins á vörslu hlutanna var að hann hefði verið sendur í viðskiptaferð til Íslands og að þeir væru hluti af viðskiptum sínum. Hann neitaði þó að tjá sig nánar um þessi viðskipti en nefndi á nafn erlenda konu sem átti að hafa sent hann. Eftirgrennslan lögreglu bar ekki með sér að viðkomandi kona væri í raun til og neitaði ákærði að aðstoða við að ná tali af henni. Þá vildi hann ekkert frekar gefa upp um viðskiptin, en sagði að munanna hefði verið aflað með lögmætum hætti.

Viðurkenndi maðurinn að hafa ritað nafn sitt vitlaust þegar hann skráði sig í flugið, en það hafi verið gert til að komast fram hjá svörtum lista flugfélagsins.

Löng brotasaga um alla Evrópu

Maðurinn hefur víða hlotið dóm áður, en árið 2005 hlaut hann níu mánaða fangelsisdóm fyrir fjársvik á Spáni. Hann hlaut árið 2009 dóm í Danmörku fyrir þjófnað og ítrekuð fjársvik og var gert að sæta fangelsi í eitt ár og sex mánuði. Árið 2014 var ákærði sakfelldur fyrir fjársvik í Bretlandi og honum gert að gegna samfélagsþjónustu í 140 klukkustundir og greiða ríflega 1800 sterlingspund í sekt. Í Þýskalandi hefur ákærði hlotið þrjá dóma. Árið 2004 var ákærði sakfelldur fyrir þjófnað og árið 2005 hlaut hann eins árs og níu mánaða fangelsisdóm fyrir þjófnað og fjársvik. Þá var hann árið 2009 sakfelldur fyrir fjársvik og ofbeldi gagnvart opinberum starfsmanni og honum gert að sæta fangelsi í tíu mánuði, skilorðsbundið til þriggja ára. Eins og fyrr segir fékk hann einnig fjögurra mánaða dóm á Íslandi fyrir rúmlega 8 árum.

Var maðurinn dæmdur til sex mánaða fangelsis í þetta skiptið, en til frádráttar kemur um mánaðar gæsluvarðhald sem hann sætti í ágúst. Þá sætir maðurinn upptöku á einu brottfararspjaldi í flug sem hann tók frá Póllandi til Íslands síðasta sumar. Var hann dæmdur til að greiða Icelandair upphæðina sem hann sveik út ásamt vöxtum.

mbl.is

Innlent »

Markús tilkynnti um viðskiptin

21:15 Markús Sigurbjörnsson, forseti Hæstaréttar, tilkynnti nefnd um dómarastörf um öll viðskipti sín með hlutabréf í Glitni. Bréf þess efnis séu til hjá nefndinni. Þetta er haft eftir Hjördísi Hákonardóttur, formanni nefndarinnar, í frétt Ríkisútvarpsins. Meira »

Staða lýðræðis rædd í hugvekju

21:00 Þingmennirnir Brynjar Níelsson, Katrín Jakobsdóttir, Logi Einarsson, Pawel Bartoszek og Óttarr Proppé voru á meðal þeirra sem hlýddu á hugvekju Siðmenntar áður en þing var sett í dag. Þar var flutt erindi um stöðu lýðræðis á Vesturlöndum og Hörður Torfa flutti tvö lög. Meira »

Landspítalinn fær tæplega 4 milljörðum meira

20:49 Landspítalinn fær 3,9 milljörðum króna meira í framlög á næsta ári miðað við yfirstandandi ár samkvæmt fjárlagafrumvarpinu sem lagt var fram á Alþingi í dag. Heildarframlög til Landspítalans á næsta ári verða tæplega 59,3 milljarðar króna samkvæmt frumvarpinu. Meira »

Rúmur milljarður vegna hælisleitenda

20:28 Varið verður rúmlega einum milljarði króna á næsta ári vegna hælisleitenda samkvæmt fjárlagafrumvarpinu sem lagt var fram á Alþingi í dag eða 1.068 milljónum króna. Meira »

Steingrímur fékk 60 atkvæði

19:58 „Forsetar Alþingis hafa alltaf fengið góða kosningu og án mótframboðs en þetta er óvenjulega góð kosning,“ segir Helgi Bernódusson, skrifstofustjóri Alþingis, í samtali við mbl.is en Steingrímur J. Sigfússon, þingmaður Vinstrihreyfingarinnar - græns framboðs, var í dag kjörinn forseti þingsins með 60 atkvæðum af 63. Meira »

Þokast hægt en örugglega

19:58 Fundur fulltrúa flokkanna fimm sem reyna að mynda ríkisstjórn gekk vel í dag. Birgitta Jónsdóttir, þingflokksformaður Pírata, er ánægð með vinnuna og telur að málin þokist í rétta átt. Meira »

Árangurinn kemur ekki á óvart

19:30 „Ég er ofboðslega stoltur af henni og vildi að ég gæti verið með henni og móður hennar úti að fagna þessum áfanga,“ segir Kristinn Jósep Gíslason, faðir Ólafíu Þórunnar, sem um helgina fyrst íslenskra atvinnukylfinga til að tryggja sér þátttöku á sterkustu golfmótaröð Bandaríkjanna, LPGA-mótuum. Meira »

Viðgerð á ljósleiðara lokið

19:49 Viðgerð á ljósleiðara sem slitnaði á milli Mosfellsbæjar og Grafarvogs er lokið. Slitið var við Grafarvog, nánar tiltekið við Gullinbrú. Meira »

Gæslan þarf að draga úr starfsemi

19:12 „Miðað við óbreyttar fjárveitingar að raungildi á árinu 2017 er krefjandi verkefni fyrir Landhelgisgæsluna að standa undir sínum helstu lögbundnu skyldum og því þarf að fækka um eina varðskipsáhöfn á næsta ári auk þess sem draga þarf úr annarri starfsemi.“ Meira »

Ég mála af því að ég get það

18:30 Eftir erfið veikindi ákvað myndlistarkonan Kristín Þorkelsdóttir að nota listina til að leiða sig í gegnum fimm ára bataferli. Meira »

Framlög til dómstóla hækka um 370 milljónir

18:20 Framlög til dómstóla hækka um tæplega 369,3 milljónir á næsta ári samkvæmt fjárlagafrumvarpinu sem lagt var fram á Alþingi í dag. Framlögin á fjárlögum yfirstandandi árs voru rúmlega tveir milljarðar króna en hækka í tæplega 2,4 milljarða króna. Meira »

Tilnefnt til Fjöruverðlaunanna

18:11 Í dag voru til­nefn­ing­ar til Fjöru­verðlaun­anna, bók­mennta­verðlauna kvenna, til­kynnt­ar í Borg­ar­bóka­safn­inu við Tryggvagötu. Verðlaun­in eru veitt í þrem­ur flokk­um; fag­ur­bók­mennt­um, fræðibók­um og barna- og ung­linga­bók­um. Fjöru­verðlaun­in 2017 verða veitt í janú­ar á næsta ári við hátíðlega at­höfn. Meira »

Munurinn á við 2,5 skólaár

17:54 Aukning í fjölda innflytjenda í grunnskólum skýrir ekki dræmar niðurstöður Íslands í PISA-könnunni en samkvæmt niðurstöðunum er þó töluverður munur á árangri innfæddra og fyrstu kynslóð innflytjenda. Meira »

500 milljónir í nýtt skrifstofuhúsnæði

17:31 500 milljónir verða á næsta ári veittar í það að hefja byggingu á nýju skrifstofuhúsnæði fyrir Alþingi. Um er að ræða hækkun á tímabundnu framlagi. Þá verða lagðar 87 milljónir í tímabundið framlag til annarra framkvæmda á Alþingisreit. Meira »

Mikilvægt að grynnka á skuldum

17:23 Samanlagður heildarafgangur ríkissjóðs fyrir árin 2014-2016 verður um 96 milljarðar króna, án stöðugleikaframlaga. Þá fara heildarskuldir ríkissjóðs úr 60% af vergri landsframleiðslu árið 2015 í 39% í árslok 2017. Gert er ráð fyrir því að hlutfallið verði 29% í árslok 2021. Meira »

Vantar 15 milljarða vegna samgönguáætlunar

17:49 Mikið misræmi er á milli þingsályktunar um samgönguáætlun 2015-2018 sem samþykkt var á Alþingi í október og fjármálaáætlunar. Þetta kemur fram í fjárlagafrumvarpi vegna ársins 2017 sem lagt var fram á þingi í dag. Meira »

Hafa kosið sér þingflokksformenn

17:30 Stjórnmálaflokkarnir sem fulltrúa eiga á Alþingi hafa allir kosið sér þingflokksformenn.  Meira »

Fjármálin komin á Facebook

17:14 Fjármála- og efnahagsráðuneytið opnaði í dag Facebook-síðu samhliða því að fjárlagafrumvarp fyrir árið 2017 var lagt fram.  Meira »
Leikjavefurinn Snilld - www.snilld.is
www.snilld.is - Frábært úrval af leikjum á leikjavefnum Snilld. Skelltu þér i...
Æfintýraplattar Alfreðs Flóka
Æfintýraplattar Alfreðs Flóka til sölu. Fiðrildin, Töfraskógur og Nornin heita p...
Vantar gæslu fyrir kisu/kisann?
www.kattholt.is rekur hótel fyrir kisu/kisann. Förum áhyggjulaus í fríið. Sty...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
 
Framhald uppboðs
Nauðungarsala
Uppboð Einnig birt á www.naudungarsolu...
Almennur félagsfundur
Fundir - mannfagnaðir
Félag sjálfstæðismanna í Skóga- ...
Framhald uppboðs 3
Nauðungarsala
Uppboð Einnig birt á www.naudungarsolu...
Aðventukaffi ses
Fundir - mannfagnaðir
ses.xd.is Samtök eldri sjálfstæði...