Skera upp herör gegn lifrarbólgu

Kristján Þór staðfestir samninginn með undirskrift sinni.
Kristján Þór staðfestir samninginn með undirskrift sinni. Ljósmynd/Landspítali

Í dag hófst meðferðarátak sem miðar að því að útrýma lifrarbólgu C hér á landi. Átakið felst í því að nú býðst öllum þeim sem njóta sjúkratrygginga hér á landi og smitaðir eru af sjúkdómnum meðferð með lyfinu Harvoni sér að kostnaðarlausu.

Kristján Þór Júlíusson, heilbrigðisráðherra, staðfesti við hátíðlega athöfn samstarfssamning Landspítalans og Gilead, fyrirtækisins sem framleiðir Harvoni. Í honum felst að Gilead leggur íslenska ríkinu til lyf fyrir 1.200 manns og í staðinn munu íslenskir heilbrigðisstarfsmenn gefa lyfið og rannsaka virkni þess.

Sagði ráðherra það afar ánægjulegt að staðfesta verkefnið sem starfsfólk íslenskrar heilbrigðisþjónustu hefur unnið að í all langan tíma.

„Það er ætlast til að maður gangi með hausinn í poka þegar maður bregður sér út í bert loft, en það er engin ástæða til þess,“ sagði ráðherrann sem sagði ýmsa stóra áfanga í viðreisn heilbrigðiskerfisins vera að nást. Harvoni-verkefnið væri einn þeirra.

Sagði hann Íslendinga nú vera í forystu þjóða þegar kemur að baráttu gegn lifrarbólgu C og að það sannfærði hann enn og aftur um að þó svo að þjóðin væri lítil stæði fátt í vegi fyrir henni. 

Sigurður Ólafsson, umsjónarlæknir lifrarlækninga.
Sigurður Ólafsson, umsjónarlæknir lifrarlækninga. Ljósmynd/ Landspítali

200 sjúklingar á fjögurra mánaða fresti

Talið er að milli 800 og 1.000 manns hér á landi séu smitaðir af lifrarbólgu C. Fyrstu sjúklingarnir verða kallaðir inn til meðferðar í næstu viku og er ætlunin að taka 200 sjúklinga til meðferðar á um fjögurra mánaða fresti. Stefnt er að því að bjóða öllum sem greindir eru með smit meðferð innan tveggja ára. Lyfin eru gefin í töfluformi daglega meðan á meðferð stendur, að jafnaði í átta til tólf vikur.

 Í ræðu sinni sagði Sigurður Ólafsson, umsjónarlæknir lifrarlækninga á Landspítala, engan einstakling með lifrarbólgu C þurfa að hafa áhyggjur af því að missa af meðferðinni. Tók hann fram að þó svo að lyfin og lyfjameðferðin væru hornsteinn verkefnisins þyrfti meira til að gera út af við sjúkdóminn og þar væri forvarnarstarf nauðsynlegt.

„Það er alveg ljóst að hér er um einstakt verkefni að ræða og kannski sérstakara verkefni en margir gera sér grein fyrir,“ sagði Sigurður.

Sagði hann að ef litið væri til annarra í landa í heiminum stæði Harvoni aðeins þeim sjúklingum til boða sem eru hvað lengst leiddir. Niðurstöður verkefnisins gætu því skipt sköpum á heimsvísu og orðið öðrum þjóðum fyrirmynd.

„Það er klárt að það verður litið til okkar, athyglin er þegar farin að beinast að okkur í hópi lifrarlækninga," sagði Sigurður.

Þórarinn Tyrfingsson sagði breytingarnar með verkefninu þær stærstu sem hann ...
Þórarinn Tyrfingsson sagði breytingarnar með verkefninu þær stærstu sem hann hefði upplifað í sínu fagi. Ljósmynd/ Landsspítali

Ekki lengur tímasprengjur

Flestir þeirra sem greinast með lifrarbólgu c hér á landi smitast við fíkniefnanotkun með sprautum og fær stór hluti sjúklinga greiningu sína á sjúkrahúsinu Vogi. Verkefnið er því unnið í samstarfi við SÁÁ og er ætlunin að bjóða öllum smituðum meðferðina, óháð því hvort þeir séu enn virkir fíkniefnaneytendur eða ekki.

„Þetta er löng leið sem við höfum farið," sagði Þórarinn Tyrfingsson, forstjóri Vogs í ræðu sinni við athöfnina. „Við höfum þurft að tilkynna ungum einstaklingum sem eru með þennan sjúkdóm að þeir séu nánast eins og tímasprengja.“

Sagði hann 882 einstaklinga smitaða af veirunni samkvæmt bókhaldi Vogs, þar af hefðu 88 verið innan við tvítugt þegar smit átti sér stað og helmingurinn yngri en 29 ára. Sagði hann þá mynd sem samfélagið hefði af sjúklingum oft skekkta og einkennast af fordómum.

„Í dag erum við svo heppin að við erum búin að útrýma sjúkdómnum úr blóðbönkunum og ýmsum aðgerðum en eftir situr þessi smitleið.“ 

Sagði hann flesta sem veikjast dveljast stutt í neyslu, vera komið aftur út í þjóðfélagið og vera ekki þeir sjúklingar sem margir halda að þeir séu, heldur venjulegt fólk. 

„Margir sprautuðu sig ekki nema einu sinni, fólk áttar sig ekki á því hvað heimurinn hefur breyst.“

Þrátt fyrir ánægjuna sem því fylgir að hrinda átakinu af stað viðurkenndi Þórarinn að í honum væri „glímuskjálfti“.

„Við ætlum að láta þetta takast en það er glímuskjálfti í okkur af því að þetta er svo ótrúlegt tækifæri. Ég hef ekki á mínum starfsferli upplifað breytingar í mínu fagi sem hafa haft jafn mikil áhrif á mína sjúklinga."

Stofnuð hefur verið upplýsingasíða um meðferðarátakið á vef Landspítala, auk þess sem upplýsingar eru veittar í gjaldfrjálsu símanúmeri:

mbl.is

Innlent »

Mosfellingar orðnir 10.000 talsins

15:42 Mosfellingar eru nú orðnir 10.000 talsins. Það var ung og stækkandi fjölskylda sem flutti í Skeljatanga sem gerði það af verkum að þessi tímamótaáfangi náðist í Mosfellsbæ að því er segir í tilkynningu frá bænum. Meira »

Áhrif skattbreytingar á Gini-stuðul ólíkleg

14:42 Ólíklegt þykir að breyting á auðlegðarskatti hafi haft marktæk áhrif á Gini-stuðulinn. Stuðullinn er einn þeirra þriggja mælikvarða sem Hagstofa Íslands notar til að mæla dreifingu tekna og eigna. Meira »

Veita vegglist betri farveg

14:41 Vegglist í óleyfi kann að vera vandamál í sumum sveitarfélögum. Til að sporna við þessu hefur Kópavogsbær farið þá leið að vinna betur með vegglistamönnum og kroturum. Annars vegar með því að skapa vegglist í Kópavogi og hins vegar með því að gera æfingasvæði fyrir unga vegglistamenn í Kópavogi. Meira »

Dæmdur fyrir að ganga berserksgang

13:29 Héraðsdómur Suðurlands dæmdi í dag karlmann á þrítugsaldri fyrir að hafa gengið berserksgang innandyra í íbúðarhúsnæði á Suðurlandi í desember 2014. Þegar lögreglumenn komu á vettvang sáu þeir talsvert blóð í tröppum að útidyrahurð og gler var brotið í hurðinni. Meira »

Útgjöld á hvern nemanda hækka

13:13 Þrátt fyrir lækkun á framlögum til framhaldsskólastigsins aukast útgjöld á hvern nemanda um sem nemur 3–5% á ári að raunvirði. Þetta er meðal þess sem kemur fram í svari fjármála- og efnahagsráðherra við fyrirspurn Björns Levís Gunnarssonar, þingmanns Pírata, um kjarasamninga kennara Meira »

Móta framtíðarstefnu St. Jósefsspítala

13:08 Bæjarráð Hafnarfjarðar skipaði á fundi sínum í dag starfshóp sem mun sjá um að móta framtíðarstefnu um notkun St. Jósefsspítala, en skrifað verður undir kaup Hafnarfjarðarbæjar á 85 prósenta eignarhlut ríkisins í húsnæðinu á morgun. Meira »

Ánafnaði barnaspítalanum verðlaunaféð

12:09 Sigurvegari góðgerðarhöggs á árlegu fyrirtækjagolfmóti Securitas, Örn Sveinsson, ánafnaði barnaspítala Hringsins upphæðinni, 80.000 krónur. Hann vann einnig góðgerðarhöggið á síðasta ári og lét upphæðina sem þá safnaðist, 70.000 krónur, einnig renna til barnaspítalans. Meira »

Skipa í málefnahópa með slembivali

13:02 Sósíalistaflokkur Íslands mun notast við slembival til að móta stefnu flokksins. Ákvað bráðabirgðastjórn flokksins fyrirkomulag fyrstu fjögurra málefnahópa hans og munu þeir fjalla um heilbrigðismál, húsnæðismál, málefni samfélagssjóða og lýðræðisvæðingu samfélagsins. Meira »

LSS fagnar skýrslu um sjúkraflug

11:58 Landssamband slökkviliðs- og sjúkraflutningamanna, LSS, vill árétta að með tilkomu skýrslu fagráðs sjúkraflutninga Íslands varðandi sjúkraflug með þyrlum og umræðu um sjúkraflug, líti LSS ekki svo á „að kastað sé rýrð á aðila þá og stofnanir sem sinna sjúkraflugi.“ Meira »

Hefja framkvæmdir aftur á morgun

10:56 Framkvæmdir við gerð forgangsakreinar fyrir Strætó, hljóðmön og hjólastíga á Miklubraut við Rauðagerði hefjast aftur á morgun. Framkvæmdir hófust 14. júní en þann sama dag tókst íbúum í nágrenninu að stöðva framkvæmdirnar. Meira »

Vegurinn sé stórhættulegur og óboðlegur

10:32 Húnaþingi vestra hefur borist margar kvartanir þar sem íbúar lýsa yfir áhyggjum sínum varðandi stöðu mála á Vatnsnesvegi. Byggðaráð sveitarfélagsins segir ástandið vera orðið óboðlegt og skapi stórhættu. Meira »

Hoffellið selt og siglir til Kanaríeyja

10:29 Loðnuvinnslan hefur gengið frá sölu á Hoffelli II SU 802 til Zandic Iceland. Skipið lagði af stað frá Fáskrúðsfirði í gærkvöldi og siglir þaðan suður til Kanaríeyja, þar sem búist er við að það fari í slipp. Meira »

Lögverndun leiðsögumanna ekki tímabær

09:18 Ferðamálaráðherra segist ekki telja rétt á þessu stigi að lögvernda eigi starf leiðsögumanna. Þetta kemur fram í svari ráðherra við fyrirspurn Katrínar Jakobsdóttur, formanns Vinstri grænna. Meira »

Verðið og veðrið það versta

08:50 Verðlagið á Íslandi og veðrið eru það sem erlendir ferðamenn, sem rætt var við í miðborg Reykjavíkur í gær, kvarta helst yfir hér á landi. Meira »

Erfitt að fá upplýsingar frá Airbnb

08:43 Formaður ferðamálaráðs telur að erfitt verði að fá upplýsingar frá Airbnb vegna deilihagkerfisins. Bene­dikt Jóhann­es­son, fjár­mála- og efna­hags­ráð­herra, hefur sagt að íslensk stjórn­völd séu komin í sam­band við hús­næðis­út­leigu­síð­una Air­bnb og von­ast til að hægt verði að gera samn­ing. Meira »

Slá skjaldborg um íslenska náttúru

09:13 Settur hefur verið á laggirnar umhverfissjóðurinn The Icelandic Wildlife Fund (IWF). Megináhersla sjóðsins er náttúruvernd og umhverfismál, þar með talið að standa vörð um villta íslenska laxastofninn, sjóbleikju, sjóbirting og aðra ferskvatnsfiska í ám og vötnum Íslands. Meira »

Í fangelsi fyrir ítrekuð brot

08:45 Héraðsdómur Reykjavíkur hefur dæmt 22 ára gamlan mann í sextíu daga fangelsi og svipt hann ökuréttindum ævilangt vegna ítrekaðra brota á umferðarlögum auk fleiri brota. Meira »

Vilja efla lögreglusamstarf við Grænland

08:00 Lögregla á Íslandi mun leita eftir auknu samstarfi við grænlensk lögregluyfirvöld hvað fíkniefnamál varðar.  Meira »
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Glæsilegt 6-8 manna sumarhús í Hvalfirði
Glæsilegt 6-8 manna sumarhús til leigu í Hvalfirði einungis 55 km frá Reykjavík....
215/75X16
Til sölu 4st Contenental dekk notuð 215/75x16 undan Ford Transit húsbíl sterk ...
Stimplar
...
 
Félagsstarf
Staður og stund
Árskógar 4 Félagsstarfið er með opið í s...
Framhald uppboðs
Nauðungarsala
Uppboð Einnig birt á www.naudungarsolu...
Uppboð
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...