Tilkynnt var um tvo þjófnaði í Kópavogi og Breiðholti í dag. Fyrst var tilkynnt um þjófnað í verslun laust fyrir klukkan eitt. Á fjórða tímanum var svo tilkynnt um þjófnað í grunnskóla.
Þetta kemur fram í dagbók lögreglunnar.
Á svæði lögreglunnar sem nær yfir Grafarvog, Mosfellsbæ og Árbæ var tilkynnt um þjófnað í annarri verslun um fjögurleytið í dag.
Skömmu síðar fékk lögreglan á svæðinu tilkynningu um mann sem hafði ógnað öðrum manni með hnífi.
Atvikið átti sér stað fyrir utan heimili þeirra.