Bréfberi Póstsins sem geymdi póst sem átti að bera út í Kópavogi undir lok síðasta árs hefur verið kærður til lögreglu og er mál hans til rannsóknar hjá lögreglunni á höfuðborgarsvæðinu.
Fyrri frétt: Bréfberi rekinn og kærður
Samkvæmt upplýsingum frá Póstinum hefur ekki bæst við þann fjölda bréfa sem ekki vour borin út. Farið verður yfir verkferla hjá Póstinum á næstunni til þess að reyna að koma í veg fyrir að mál sem þessi endurtaki sig en sambærileg mál hafa komið upp nokkrum sinnum á síðustu árum.
Frétt mbl.is um fyrri mál: Ítreka skyldur póstsins
Síðast þegar slík mál komu upp fór starfsmannastjóri Póstsins á allar dreifingarstöðvar og ítrekaði alvarleika málsins á fundum með starfsfólki. Viðbrögðin nú eru í skoðun.