Voru ekki upplýst um áformin

Bandarískir hermenn og herflugvél í flugskýli í Keflavík árið 2002.
Bandarískir hermenn og herflugvél í flugskýli í Keflavík árið 2002. mbl.is/RAX

Hanna Birna Kristjánsdóttir formaður utanríkismálanefndar segir nefndarmenn ekki hafa verið upplýsta um þau áform Bandaríkjahers að breyta flugskýli sínu á Keflavíkurflugvelli áður en fjallað var um þau í fjölmiðlum. Nefndin lauk fundi sínum um málið nú fyrir stundu en full­trúi Vinstri­hreyf­ing­ar­inn­ar - græns fram­boðs í ut­an­rík­is­mála­nefnd, Stein­unn Þóra Árna­dótt­ir, óskaði eftir fundinum.

„Ég held að menn hafi fengið svör við spurningum sínum og um leið tækifæri til að viðra skoðanir sínar,“ segir Hanna Birna í samtali við mbl.is. Gunnar Bragi Sveinsson utanríkisráðherra kom á fund nefndarinnar og hún segir hann hafa svarað þeim spurningum sem brunnu á nefndarmönnum.

„Hann fór yfir málið eins og það blasti við honum og nefndin fékk tækifæri til að fara nákvæmlega yfir það. Svo ræddum við varnarsamninginn og stöðuna almennt og um þetta myndaðist mjög fín umræða,“ segir Hanna Birna. Hún bætir við að ríkin hafi ekki rætt varanlega viðveru Bandaríkjahers hér á landi.

P-8A Poseidon eftirlitsflugvél. Flugskýlið þarfnast breytinga vegna véla af þessari ...
P-8A Poseidon eftirlitsflugvél. Flugskýlið þarfnast breytinga vegna véla af þessari gerð.

Engin umræða átt sér stað

„Það hefur engin umræða, hvorki óformleg né formleg, átt sér stað á milli ríkjanna um varanlega viðveru hér. Þessi litla uppbygging, sem á enn eftir að samþykkja, er í fullu samræmi við varnarsamninginn frá 1951 og rúmast vel innan samkomulagsins sem gert var árið 2006.“

Þá segir hún að áform um breytingu flugskýlis á vellinum þurfi ekki að þýða aukin umsvif hersins á landinu.

„Við höfum auðvitað öll heyrt af því að Bandaríkjamenn vilja treysta stöðu sína á þessu svæði en þetta tengist því ekki beint. Vélarnar sem eru að taka við eftirlitinu eru hærri en vélarnar sem fyrir eru og því þarf að hækka skýlið og treysta undirstöðuna. Í hernaðarlegu tilliti er þetta ekkert flóknara en það.“

Frétt mbl.is: Verja 2,7 milljörðum á Íslandi

Skýrar afstöður báðum megin borðsins

Katrín Jakobsdóttir formaður Vinstri grænna hefur sagt að sér lítist ekki á áformin og að þau veki áhyggjur af stöðu alþjóðamála. Hanna Birna segir ólíka afstöðu innan þingsins endurspeglast innan nefndarinnar.

„Menn hafa mjög ólíkar skoðanir hvað varðar afstöðuna til NATO og varnarsamstarfsins við Bandaríkin. Það liggur alveg ljóst fyrir og Vinstri grænir eru mjög einarðir og sannir í afstöðu sinni, sem kemur fram í öllu sem nefndin fjallar um er þetta varðar.“

Hún segir afstöðu Sjálfstæðisflokksins sömuleiðis vera skýra í þessum efnum.

„Við viljum standa vörð um aðild okkar að NATO og við viljum áframhaldandi farsælt varnarsamstarf við Bandaríkin því það nýtist hagsmunum Íslands. Við þurfum að hafa augun opin fyrir því að staðan í álfunni er að breytast og vera í góðu samstarfi við nágrannaþjóðir okkar um hvernig bregðast skuli við þeim breytingum.“

Hanna Birna Kristjánsdóttir formaður utanríkismálanefndar.
Hanna Birna Kristjánsdóttir formaður utanríkismálanefndar. mbl.is/Ómar Óskarsson
mbl.is

Innlent »

Halda úr höfn í kvöld

21:04 Þau skip sem verða tilbúin til að halda á veiðar hjá Vinnslustöðinni í Vestmannaeyjum munu halda úr höfn í kvöld. Þetta segir Sigurgeir Brynjar Kristgeirsson, framkvæmdastjóri Vinnslustöðvarinnar, í samtali við mbl.is eftir að ljóst varð að sjómenn hefðu samþykkt nýjan kjarasamning. Meira »

„Afskaplega feginn“

21:02 Konráð Þorsteinn Alfreðsson, varaformaður Sjómannasambands Íslands, segist ánægður með að sjómenn hafi samþykkt nýjan kjarasamning. Meira »

Vilja verða alþjóðlegt fyrirtæki

20:50 „Við erum fyrst og fremst að sýna hvernig hægt er að ferðast um heiminn á fjölbreyttan hátt,” segir Styrmir Elí Ingólfsson, einn þriggja eigenda ferðaskrifstofunnar Tripical. Meðeigendur hans eru skólafélagi hans úr Verslunarskóla Íslands, Viktor Hagalín Magnason, og móðir Viktors, Elísabet Hagalín. Meira »

Samþykktu samninginn naumlega

20:46 Kjarasamningur sjómanna, sem samninganefndir þeirra og SFS náðu saman um aðfaranótt laugardags, hefur verið samþykktur í atkvæðagreiðslu. Meira »

Talning hafin í Karphúsinu

20:20 Byrjað er að telja greidd atkvæði í atkvæðagreiðslu sjómanna um þann kjarasamning sem samninganefndir þeirra og SFS samþykktu aðfaranótt laugardags. Meira »

19 milljónir til styrktar geðheilbrigði

19:30 Kiwanishreyfingin afhenti í gær Barna- og unglingageðdeild Landspítalans (BUGL) og PIETA-samtökunum veglega styrki í kjölfar 14. Landssöfnunar hreyfingarinnar, en söfnunin gengur undir nafninu „Lykill að lífi“. Meira »

Sex kíló af kertavaxi á mann

18:40 Danir kunna betur en flestir að hafa það huggulegt og eru jafnframt hamingjusamasta þjóð í heimi. Orðið hygge hefur breiðst út eins og eldur í sinu að undanförnu. Orðið hygge er hreinlega búið að fara sigurför um heiminn, rétt eins og danskir sjónvarpsþættir. Meira »

Eins og öll salan í desember

18:54 Nóg hefur verið að gera í blómabúðum landsins í dag, konudaginn, enda annasamasti dagur ársins þegar kemur að blómasölu. Í versluninni Ísblómum á Háaleitisbraut var fjölmennt þegar ljósmyndara mbl.is bar að garði. „Það hefur verið brjáluð sala yfir daginn,“ segir Eva Ruza, starfsmaður í búðinni. Meira »

„Held að menn kunni að meta þetta“

18:26 „Ég er ekkert svartsýnn, ég held að þetta verði samþykkt, miðað við hvernig viðtökurnar voru hér hjá mínum mönnum.“ Þetta segir Konráð Þorsteinn Alfreðsson, varaformaður Sjómannasambands Íslands og formaður Sjómannafélags Eyjafjarðar, um atkvæðagreiðslu sjómanna um nýjan kjarasamning. Meira »

„Tæpt á hvorn veginn sem það fer“

16:36 Þriðji og síðasti kynningarfundur stéttarfélagsins Afls á kjarasamningi sjómanna hófst klukkan 16 í grunnskólanum í Neskaupstað. Sverrir Mar Albertsson, framkvæmdastjóri félagsins, segir aðsókn hafa verið góða. Meira »

Kjörsókn frá 10% upp í 70%

16:23 Kjörsókn vegna atkvæðagreiðslu um nýjan samning sjómanna er mjög breytileg eftir stéttarfélögum, en um eina heildarkosningu er að ræða. Hjá Sjómanna- og vélstjórafélagi Grindavíkur var um 35% kjörsókn þegar mbl.is náði tali af formanni félagsins rétt fyrir fjögur í dag. Meira »

„Þetta verður tvísýnt“

15:46 Atkvæðagreiðsla um nýjan kjarasamning sjómanna gæti orðið mjög tvísýn. Það virðist skiptast nokkuð eftir verkalýðsfélögum hvort félagsmenn séu jákvæðir eða neikvæðir í garð samningsins og á sumum stöðum er hörð andstaða við samninginn. Þetta segir Aðalsteinn Baldursson hjá Framsýn á Húsavík. Meira »

Atkvæðagreiðslu sjómanna að ljúka

15:42 Atkvæðagreiðslu sjómanna um kjarasamning, sem samninganefndir þeirra og SFS náðu saman um aðfaranótt laugardags, lýkur víða nú síðdegis. Ljóst er að útgerðarfélög eru vongóð um að sjómenn samþykki samninginn, en skipum hefur verið siglt austur á firði og áhafnir þeirra verða sendar þangað með flugi fari svo að samningarnir verði samþykktir. Meira »

Lokakvöld Sónar-hátíðarinnar í myndum

14:53 Sónar-hátíðinni lauk í gærkvöldi í Hörpu en meðal aðalatriða kvöldsins voru næntís-stjörnurnar De La Soul og Fatboy Slim. Íslenska rappið var einnig áberandi en fram komu meðal annars Alvia Islandia, Aron Can, Kött Grá Pjé og Shades of Reykjavik. Meira »

Sandra Rán nýr formaður SUF

13:28 Sandra Rán Ásgrímsdóttir, 26 ára sjálfbærniverkfræðingur, er nýr formaður Sambands ungra framsóknarmanna (SUF).  Meira »

Varar við spilliforritum

14:54 „Því miður hefur borið á því að fólk hér á landi, líkt og annars staðar í heiminum, er að lenda í klóm glæpamanna sem eru að ráðast gegn tölvum þeirra. Síðustu ár hefur þróun spilli- og gagnagíslatökuforrita tekið kipp í útbreiðslu og þróun.“ Meira »

Átta tíma seinkun vegna veikinda

13:49 Tæplega átta tíma seinkun varð á flugi flugfélagsins Primera Air frá Keflavík til Tenerife. Áætluð brottför var 8:15 í morgun en vélin fer ekki í loftið fyrr en klukkan 15:00 og fengu farþegar að vita af seinkuninni um klukkan 6:30. Meira »

Smökkuðu þorramat (myndskeið)

13:01 Starfsmenn í bandaríska sendiráðinu héldu þorrann hátíðlegan og smökkuðu matinn sem fylgir þessum gamla mánuði. Viðbrögðin voru mismunandi. Meira »
BÓKHALD
NP Þjónusta Er bókhaldið í óreiðu hjá þér? Kannski að ég geti bætt ástandið. Haf...
Bókhaldsþjónusta
Skattframtöl, bókhald, ársreikningar, vsk uppgjör & launauppgjör, stofnun félaga...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Kolaportið alltaf gott veður !
Góða veðrið og góða skapið er í KOLAPORTINU!...
 
Skipulagsmál
Tilkynningar
Rangárþing ytra Auglýsing um skipula...
Hádegisfundur
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...
Deiluskipulag
Tilboð - útboð
Auglýsing Deiliskipulagsbrey...