„Það er í raun skelfilegt að hafa ekki höfnina í meiri notkun. Þetta er upp á líf og dauða fyrir okkur,“ segir Magnús Bragason, hótelstjóri Hótels Vestmannaeyja.
Ferðaþjónustufyrirtæki í Vestmannaeyjum fá ekki þann straum ferðamanna til sín sem farið hefur um Suðurland í vetur, segir hann í umfjöllun um mál þetta í Morgunblaðinu í dag.
Á meðan Herjólfur siglir ekki frá Landeyjahöfn fara nánast engir ferðamenn til Eyja.