Ný herferð nefnist Iceland Academy

Erlendir ferðamenn á göngu um hálendi Íslands.
Erlendir ferðamenn á göngu um hálendi Íslands. mbl.i/sSigurður Bogi Sævarsson

Ný markaðsherferð Íslandsstofu til að kynna Ísland fyrir erlendum ferðamönnum nefnist Iceland Academy. Þetta kom fram á fundi sem Íslandsstofa boðaði til í morgun um samstarf og markaðssetningu erlendis á árinu 2016. 

Herferðinni, sem fer formlega af stað 25. febrúar, er ætlað að auka vitund og áhuga á Íslandi sem áfangastað ásamt því að leggja áherslu á ábyrga ferðahegðun erlendra gesta, auka öryggi þeirra og ánægju og stuðla að því að þeir fái sem mest út úr Íslandsferðinni. Herferðin kynnir fyrir ferðamönnum ýmislegt forvitnilegt í íslenskri menningu, siðum og náttúru með örnámskeiðum á vef og samfélagsmiðlum.

Ferðamenn á Geysissvæðinu.
Ferðamenn á Geysissvæðinu.

Átta íslenskir leiðbeinendur

Í fararbroddi herferðarinnar eru átta íslenskir leiðbeinendur en leiðtogi þeirra verður leiðsögumaðurinn Kristín Bang sem mun stýra fræðslu um ábyrga ferðamennsku.

Aðrir leiðbeinendur eru Jónas Guðmundsson hjá Slysavarnarfélaginu Landsbjörg sem leiðbeinir um öryggismál, Ylfa Helgadóttir meðlimur íslenska kokkalandsliðsins sem fræðir um íslenska matargerð, Guðmundur Karl Jónsson umsjónarmaður skíðasvæðisins á Akureyri kynnir íslenska vetrarafþreyingu, Kamilla Ingibergsdóttir fyrrum kynningarstjóri Iceland Airwaves og núverandi starfsmaður Of Monsters and Men segir frá íslenskum hátíðum, Baldur Kristjánsson ljósmyndari sýnir erlendum gestum hvernig best er að fanga norðurljósin á mynd, Guðrún Bjarnadóttir fræðir ferðamenn um íslenskar heilsulindir og loks mun Sigríður Margrét Guðmundsdóttir eigandi Landnámsseturs fræða ferðamenn um íslenska sögu.

Ferðamenn í miðborginni.
Ferðamenn í miðborginni. mbl.is/Golli

Útskriftarferð til Íslands í verðlaun

Fyrstu fimm námskeið Iceland Academy verða sýnileg á vef Inspired By Iceland og hægt er að fylgjast með í gegnum Facebook, Twitter og Instagram. Tilvonandi ferðamönnum sem horfa á námskeiðin gefst kostur á að þreyta próf og kanna þekkingu sína á efninu. Þeir sem ljúka öllum námskeiðunum með prófi gefst svo kostur á að vinna útskriftarferð til Íslands.

Herferðin endurspeglar umræðuna

Inga Hlín Pálsdóttir, forstöðumaður ferðaþjónustu og skapandi greina hjá Íslandsstofu, segir að aðaláherslan í markaðssetningu Íslands undanfarið miði að því að vekja áhuga á Íslandi utan háannar, fá fólk til þess að ferðast víðar um landið, eyða meiru og dvelja hér lengur.

Tilgangur Iceland Academy er að aðstoða hinn upplýsta ferðamann við að upplifa besta matinn, fallegustu náttúruna, áhugaverðustu menninguna og fleira á öruggan og ábyrgan hátt.

 „Markaðsstarfið hefur gengið vel fram að þessu og við eigum mjög gott samtal við ferðaþjónustuna þegar kemur að áherslum í starfinu. Við höfum unnið að herferðinni í samstarfi við þau fyrirtæki sem taka þátt í Ísland – allt árið og markaðsstofum landshlutanna og teljum að hún endurspegli vel þá umræðu sem á sér stað innan ferðaþjónustunnar,“ segir Inga Hlín.

Sjö af leiðbeinendunum átta.
Sjö af leiðbeinendunum átta. Mynd/Aðsend

Huga að jákvæðari ferðahegðun

Hún segir að skýr vilji sé hjá samstarfsaðilum um að kominn væri tími til að huga að jákvæðari ferðahegðun.

„Stærstur hluti ferðamanna vill upplifa náttúruna og við vitum öll að íslenska náttúru þarf að umgangast af virðingu og vandfærni. Við teljum að ferðamaðurinn eigi eftir að fá meira út úr ferð sinni og fara héðan ánægðari ef hann er betur upplýstur um aðstæður fyrirfram. Iceland Academy er tækifæri til að kynna og vekja áhuga ferðamanna á einstökum eiginleikum Íslands og hvernig best megi njóta þeirra með öruggum og ábyrgum hætti. Við teljum að þessi nálgun eigi eftir ná vel til okkar markhóps erlendis sem eru svokallaðir „upplýstir“ ferðamenn,“ segir hún.

Hægt er að skrá sig í Iceland Academy með því að heimsækja Inspiredbyiceland.com eftir 25. febrúar.

mbl.is

Innlent »

Verulega hefur fækkað í bílalestinni

19:15 Verulega hefur dregið úr umferð um Selfoss, en þegar mest var náði bílaröðin frá Kögunarhóli og inn á Selfoss. Að sögn lögreglunnar á Selfossi er enn mikil umferð í gegnum bæinn. Bílaröðin byrjar þó ekki fyrr en við húsakynni Toyota á Selfossi, þannig að verulega hefur fækkað í bílalestinni. Meira »

Eyða verslunarmannahelginni sunnan heiða

18:50 Verslunarmannahelgin fer rólega af stað á Ísafirði, Akureyri og Siglufirði að sögn lögreglunnar á hverjum stað. Mýrarboltinn verður haldinn á Ísafirði líkt og undanfarin ár og er nú nokkur umferð á leið inn eftir Ísafjarðardjúpi. Meira »

Ronja er 5 ára trans-stelpa

18:43 Ronja Sif Magnúsdóttir er fimm ára gömul og býr ásamt foreldrum sínum og tveimur systkinum á sveitabæ í Flóahreppi. Þangað til seint á síðasta ári hét Ronja ekki Ronja, heldur Aron Freyr. Ronja er meðal yngstu trans-barna sem vitað er um á landinu en fjölskyldan hefur ekki mætt fordómum. Meira »

Dekkjakurl fjarlægt af þremur völlum

17:44 Verið er að skipta um undirlag og gúmmíkurl á gervigrasvelli Fylkismanna í Árbænum og stutt er síðan gert var hið sama hjá Víkingum. Framkvæmdir standa einnig yfir á gervigrasvelli KR-inga. Allir þessir vellir verða því lausir við hið umdeilda dekkjakurl á næstunni. Meira »

Umferðastraumur um Borgarnes

17:06 Töluverður umferðastraumur er nú í gegnum Borgarnes, að sögn lögreglunnar í bænum, sem kveður strauminn liggja norðureftir. Nokkuð þétt umferð er nú einnig í gegnum Blönduós, en þar telja menn líklegt að umferðaþunginn verði í suðurátt. Meira »

Á leið til Eyja eftir sólarhrings vöku

17:05 Mikil stemning var í Landeyjahöfn klukkan 10 í morgun þegar Þjóðhátíðarfarar gerðu sig tilbúna til brottfarar. Viðmælendur mbl.is voru sammála um það að það væri alls ekki of snemmt fyrir einn kaldan, „það er nú einu sinni Þjóðhátíð“. Meira »

Ekki í samræmi við stjórnsýslulög

15:52 Málsmeðferð lögreglustjórans í Vestmannaeyjum við ráðningu í starf löglærðs fulltrúa var ekki í samræmi við stjórnsýslulög. Þetta kemur fram í áliti Umboðsmanns Alþingis frá 25. júlí sl. Meira »

Setja upp hávaðamæla

17:04 Isavia hefur ákveðið að setja upp hávaðamæla sem mæla hljóðmengun frá flugumferð á Keflavíkurflugvelli. Þetta gerir Isavia í framhaldi af bókun frá bæjarráði Reykjanesbæjar þar sem því var beint til flugvallaryfirvalda á Keflavíkurflugvelli að reyna eftir fremsta megni að draga úr og takmarka óþarfa ónæði sem íbúar Reykjanesbæjar verða fyrir vegna flugumferðar um Keflavíkurflugvöll. Meira »

Miklar umferðartafir við Selfoss

15:35 Miklar umferðartafir eru á leiðinni milli Hveragerðis og Selfoss þessa stundina og má sjá bíl við bíl alla leið frá Kögunarhóli og inn á Selfoss. Að sögn lögreglunnar á Selfossi skrifast tafirnar þó hvorki umferðóhapp eða framkvæmdir, heldur verslunarmannahelgarumferðina. Meira »

Jethro Tull í Hallgrímskirkju á jólaföstu

15:17 Breska rokkhljómsveitin Jethro Tull verður með jólatónleika í Hallgrímskirkju í Reykjavík á næstu jólaföstu.  Meira »

Ingó í beinni frá Eyjum

15:01 Símafyrirtækið Nova stendur fyrir beinum útsendingum frá Eyjum alla helgina og verður hægt að nálgast þær hér á mbl.is. Í fyrstu útsendingunni er það Ingó Veðurguð sem heldur tónleika Meira »

Mál piltsins á viðkvæmu stigi

14:54 Mál piltsins sem fannst nakinn á götu við miðbæ Reykjavíkur aðfaranótt þriðjudags er á viðkvæmu stigi, að sögn lögreglunnar á höfuðborgarsvæðinu. Meira »

Slösuð kona við Arnarstapa

14:16 Björgunarsveitir á Snæfellsnesi eru nú á leið að aðstoða konu sem hrasaði austan við Gatklett við Arnarstapa. Konan virðist hafa hrasað í skriðu og er líklega fótbrotin. Þörf verður á böruburði að sjúkrabíl. Meira »

Síldarævintýrið fær grænt ljós

13:06 Bæjaryfirvöld í Fjallabyggð og lögreglustjóraembættið á Norðurlandi eystra hafa komið sér saman um lausn á ágreiningi vegna greiðslu löggæslukostnaðar vegna bæjarhátíðarinnar Síldarævintýrið á Siglufirði 2016. Bæjarráð Fjallabyggðar fundaði í hádeginu vegna málsins. Meira »

17 tíma seinkun á flugi til Dublinar

11:48 Vél WOW air sem fljúga átti frá Keflavíkurflugvelli til Dublinar í Írlandi klukkan 6:15 í morgun seinkar um tæpar 17 klukkustundir. Er áætlað að vélin leggi af stað klukkan 23 í kvöld. Farþegar voru komnir um borð í vélina í morgun áður en tilkynnt var um að seinkun yrði. Meira »

Falleg og góð stund með ráðherra

14:12 „Þetta var falleg stund og góð,“ segir Valur Ármann Gunnarsson, talsmaður leigubílstjóra á Suðurnesjum sem áttu fund með Ólöfu Nordal, innanríkisráðherra, á gatnamótum Hafnavegar og Reykjanesbrautar í hádeginu. Meira »

Mikið vatn í Bláfjallakvísl

12:15 Mikið jökulvatn er nú í Bláfjallakvísl, sem rennur frá norðurhluta Mýrdalsjökuls. Samkvæmt upplýsingum frá Veðurstofu Íslands er áin nú ekki fær nema vel búnum jeppum. Þá hefur fundist brennisteinslykt við Múlakvísl, en þetta er í þriðja sinn í sumar sem slík lykt finnst þar. Meira »

Hvergi von á grenjandi rigningu

11:37 Búast má við góðu veðri víðast hvar á landinu um helgina. Hvergi er von á grenjandi rigningu og roki en leiti fólk sólar eru Suðurland og Vesturland þeirra staðir í dag og á morgun. Meira »
Holy Camp 1998
Virkilega vel með farin Holy Cam tjaldvagn 1998 árg. Fortjald fylgir með. Tilboð...
íbúð óskast strax
Íbúð óskast strax 52 ára kona óskar eftir 2ja til 3ja herbergja íbúð. Trygging e...
Til sölu eldhússtólar 3 st.spurning um 4 st
Til sölu eldhússtólar 3 st.spurning um 4 st sem kosta nýjir 28.000 kr. en okkar ...
Verkstjórnun - Húsasmíði atvinna óskast
Verkstjórnun - Húsasmíði - Húsasmiður með mikla reynslu af verktakastarfsemi og ...