Öryggisstig á Keflavíkurflugvelli verður ekki hækkað að sinni vegna árásanna í Brussel. Þessi ákvörðun var tekin á fundi vástigsnefndar sem haldin var hjá embætti Ríkislögreglustjóra nú í morgun.
„Niðurstaðan var að hækka ekki vástigið, en við höfum bætt í eftirlit uppi á flugvelli,“ segir Ólafur Helgi Kjartansson, lögreglustjóri á Suðurnesjum.
Hann segir fleiri lögreglumenn nú sinna öryggisgæslu á Keflavíkurflugvelli en venja er.
Öryggismál séu líka alltaf tekin til skoðunar þegar atburðir verði á borð við árásirnar í Brussel. „Eins og alltaf þegar svona kemur upp þá fara menn á tærnar.“