24 staðir taldir varasamir

Ferðamenn við Geysi
Ferðamenn við Geysi mbl.is/Kristinn Ingvarsson

24 fjölsóttir ferðamannastaðir hér á landi eru taldir varasamir og farið verður í brýnar úrbætur á þeim á árinu. Þetta kemur fram í fréttatilkynningu frá atvinnuvegaráðuneytinu. Staðirnir eru m.a. Arnarstapi, Dyrhólaey, Geysir og Seljalandsfoss.

Ríkisstjórnin samþykkti á fundi sínum í morgun tillögur Stjórnstöðvar ferðamála um aðkallandi aðgerðir á árinu 2016 til að bæta öryggi ferðamanna og um leið almennings í landinu. Aðgerðirnar snúa að málefnasviðum á vettvangi iðnaðar- og viðskiptaráðherra, innanríkisráðherra og umhverfis- og auðlindaráðherra og skulu þeir setja þær í forgang og beita sér fyrir því að stofnanir á þeirra málefnasviðum hliðri til eins og frekast er unnt til að tryggja framgang umræddra verkefna.

Þá samþykkti ríkisstjórn Íslands að veita 20 milljónir króna af ráðstöfunarfé sínu vegna tillagna um bætta upplýsingagjöf og forvarnir vegna öryggis ferðamanna.

„Tillögurnar sem samþykktar voru í morgun eru afrakstur markvissrar vinnu starfshóps undir forystu Stjórnstöðvar ferðmála. Markmið hópsins var að móta hnitmiðaðar tillögur sem myndu skila sem mestum árangri og hægt væri að framkvæma á árinu,“ segir í tilkynningunni en að tillögugerðinni komu fulltrúar frá atvinnuvega- og nýsköpunarráðuneytinu, innanríkisráðuneytinu, lögreglunni, Landsbjörgu, Vatnajökulsþjóðgarði, Umhverfisstofnun, Samgöngustofu, Vegagerðinni, Rannsóknarnefnd samgönguslysa, Félagi leiðsögumanna, SAF og Ferðamálastofu.

Við Reynisfjöru
Við Reynisfjöru mbl.is/Sigurður Bogi Sævarsson

Ekki öll í eigu eða umsjón ríkisins

Fyrrnefndir staðir eru Arnarstapi, Dettifoss, Djúpalónssandur, Dyrhólaey, Geysir, Goðafoss, Grjótagjá og Stjóragjá, Gullfoss, Gunnuhver, Fjaðrárgljúfur, Jökulsárlón, Ketubjörg, Kolugljúfur, Krísuvíkurbjarg, Látrabjarg, Námaskarð/Leirhnjúkur, Reykjadalur, Reynisfjara, Seljalandsfoss, Seltún, Skógafoss, Sólheimajökull, Svínafellsjökull og Víti/Askja/Drekagil.

Í tilkynningunni er tekið fram að umrædd svæði séu ekki öll í eigu eða umsjón ríkisins og því verða næstu skref að ræða við landeigendur á viðkomandi svæðum. Þá er einnig vakin athygli á því að fjögur af þessum verkefnum þ.e. í Reykjadal, við Goðafoss, við Dettifoss og við Fjaðrárgljúfur voru með umsókn í Framkvæmdasjóð ferðamannastaða og fengu því styrk í nýjustu úthlutun sjóðsins. Þá hafði sjóðurinn áður veitt styrk til umræddra verkefna við Seljalandsfoss.

Landvörðum fjölgað

Umrædd tillaga gerir ráð fyrir að landvörðum verði fjölgað en þeir gegna lykilhlutverki við aðstoð, upplýsingagjöf og eftirlit vegna þekkingar þeirra á staðháttum. Árið 2013 voru landvarðavikur á vegum Vatnajökulsþjóðgarðs og Umhverfisstofnunar u.þ.b. ein landvarðavika fyrir hverja 1.000 ferðamenn en verða að óbreyttu, ef spár um fjölda erlendra ferðamanna nær fram að ganga, um ein vika fyrir hverja 1.780 ferðamenn. Ljóst er að miðað við spá um fjölgun ferðamanna verður að fjölga landvörðum og forgangsraða eftir hættusvæðum.

Tillögurnar fela jafnframt í sér að landvörðum fjölgi þannig að það verði ein landvarðavika fyrir hverja 1.370 ferðamenn árið 2016. Alls er þannig gert ráð fyrir um 30% aukningu í landvörslu á svæðum í umsjón Vatnajökulsþjóðgarðs og Umhverfisstofnunar.

Eftirlit lögreglu aukið

Yfir sumarmánuðina verður eftirlit lögreglu aukið á fjórum svæðum; á hálendinu, á Suðurlandi, á Norðurlandi Eystra og á Suð- Austurlandi. Þá verður löggæsla í uppsveitum Árnessýslu og á ferðaleiðinni Gullna hringnum aukin allt árið.

Lögð verður sérstök áhersla á að auka öryggi og vetrarþjónustu að fjölförnustu ferðamannastöðunum. Forgangsröðunin tekur mið af umferðarþunga, mati á hættu og fjölda útkalla vegna ferðamanna en markmiðið er að auka umferðaröryggi bæði á þjóðvegum og ferðamannaleiðum.  

„Markmiðið með góðri upplýsingagjöf, eftirliti og forvörnum er að hindra slys og óhöpp í stað þess að bregðast við þeim. Verkefnin sem um ræðir eru að styrkja hálendisvakt Landsbjargar, fjölga upplýsingaskjáum SafeTravel, setja upp upplýsingaskjá í Leifsstöð, efla fræðslu og kynningarstarf á vegum Landsbjargar (SaveTravel), endurbæta og halda áfram að prenta stýrisspjöld í bílaleigubíla,“ segir í tilkynningunni. 

Ferðamenn við Seljalandsfoss.
Ferðamenn við Seljalandsfoss. mbl.is/Rax / Ragnar Axelsson
mbl.is

Innlent »

Óttast ekki hið ókomna

Í gær, 23:21 „Það eru allir afskaplega rólegir fyrir þessu,“ segir Sigrún Sigurgeirsdóttir, landvörður í Vatnajökulsþjóðgarði, um aukna virkni sem verið hefur í Öræfajökli. Sigrún hefur lifað góðu samlífi við jökulinn alla sína ævi og býst ekki við að það muni breytast í bráð. Hún fylgist þó grannt með gangi mála. Meira »

Bíða enn eftir niðurstöðum vísindamanna

Í gær, 22:45 Engar ákvarðanir voru teknar á fundi Almannavarna nú í kvöld varðandi Öræfajökul. Óvissuástandi var lýst yfir á svæðinu í gær og hafa vísindamenn Jarðvísindastofnunar í dag unnið að því að rannsaka sýni sem safnað var í ferð þeirra, Veður­stof­unn­ar og al­manna­varna yfir jökulinn í gær. Meira »

Tólf fluttir á sjúkrahús

Í gær, 22:32 Alls voru 12 fluttir á sjúkrahús eftir rútuslys við Lýsuhól á Snæfellsnesi á sjötta tímanum í dag. Andri Heide, yfirlæknir í Ólafsvík, sem var fyrstur á vettvang, segir aðstæður hafa verið hryllilegar. Svo slæmar að einn sjúkrabílanna með reyndan bílstjóra hafi fokið af veginum. Meira »

Tvær bílveltur í Norðurárdal

Í gær, 22:10 Tvær bílveltur urðu í Norðurárdal nú í kvöld. Bæði óhöppin áttu sér stað í nágrenni við bæinn Dýrastaði á áttunda tímanum í kvöld með um kílómetra millibili. Engin slys urðu á fólki. Meira »

Glæsileg breyting á Sundhöllinni

Í gær, 21:30 Nú styttist í að Sundhöllin í Reykjavík opni að nýju með nýrri og glæsilegri útiaðstöðu, nýjum kvennaklefa og bættu aðgengi fyrir fatlaða. Sundhöllin er eitt glæsilegasta hús borgarinnar og landsmenn eru annálaðir sundáhugamenn. Breytingarinnar hefur því verið beðið með mikilli eftirvæntingu. Meira »

Vilja veita Leo vernd á Íslandi

Í gær, 21:16 Solaris - hjálparsamtök fyrir hælisleitendur og flóttafólk á Íslandi hafa komið af stað undirskriftarsöfnun fyrir hinn eins og hálfs ára gamla Leo Nasr Mohammed og foreldra hans, Nasr Mohammed Rahimog Sobo Anw­ar Has­an. Með undirskriftunum vilja samtökin hvetja yfirvöld til að veita fjölskyldunni skjól og vernd á Íslandi. Meira »

HÍ tekur þátt í alþjóðlegu neti háskóla

Í gær, 20:30 Háskóli Íslands er orðinn hluti af edX, alþjóðlegu neti háskóla sem bjóða opin netnámskeið, en edX var stofnað af bandarísku háskólunum Harvard og MIT. Fyrsta námskeið Háskólans í edX-samstarfinu verður í norrænum miðaldafræðum Meira »

Taka ábendingar um sinnuleysi alvarlega

Í gær, 20:57 Lögreglan á höfuðborgarsvæðinu tekur ábendingar um sinnuleysi lögreglu gagnvart ósjálfbjarga stúlku alvarlega. Þetta kemur fram í fréttatilkynningu sem lögreglan sendi frá sér nú í kvöld. Meira »

Þyrla flutti þrjá á sjúkrahús

Í gær, 20:09 Þrír voru fluttir með þyrlu Landhelgisgæslunnar á Landspítalann í Fossvogi eftir rútuslys sem varð við Lýsu­hól á Snæ­fellsnesi á sjötta tímanum í dag. Ekki er unnt að greina frá líðan þeirra að svo stöddu. Meira »

„Kallar á stóraukið eftirlit“

Í gær, 20:04 „Þetta kallar á stóraukið eftirlit með Öræfajökli og með ánum sem eru þarna í kring, bæði vatnsmagni og leiðni, til að reyna að gefa okkur þó meiri tíma en mögulegt er því þetta fjall er afskaplega nálægt byggð,“ segir Björn Ingi Jónsson, bæjarstjóri á Höfn. Meira »

Vill að bankaráð ræði símtalið

Í gær, 19:57 Björn Valur Gíslason, bankaráðsmaður í Seðlabanka Íslands, hefur óskað eftir því að bankaráð ræði birtingu Morgunblaðsins á símtali Davíðs Oddssonar og Geirs Haarde. Ráðið kemur saman á fimmtudag. Meira »

Sex slasaðir í rútuslysi

Í gær, 17:34 Sex manns eru slasaðir eftir rútuslys við Lýsuhól á Snæfellsnesi. Tilkynnt var um slysið nú á sjötta tímanum í dag og eru lögregla, slökkvilið og björgunarsveitir á leið á vettvang. Meira »

Rafleiðnin stöðug frá hádegi

Í gær, 17:17 Rafleiðni í Múlakvísl hefur haldist stöðug frá því um hádegi í dag, en leiðni í ánni hefur verið að aukast undanfarna daga. Brennisteinslyktin við Múlakvísl er þó áfram stæk og mælir sérfræðingur náttúruvársviðs Veðurstofunnar með því að fólk sé þar ekki mikið á ferðinni. Meira »

Gamli Garður í nefnd

Í gær, 16:40 Starfshópur á vegum Háskóla Íslands og Reykjavíkurborgar mun fara yfir áform um uppbyggingu stúdentagarða og stækkun vísindagarðareits á háskólasvæðinu. Þetta er gert í kjölfar alvarlegrar gagnrýni Minjastofnunar á þau áform að reisa stúdentagarða á lóð Gamla Garðs. Meira »

Hæddist að mér fyrir að „vanmeta stöðuna“

Í gær, 16:10 „Eftir að lögreglan hafði hæðst að mér fyrir að „vanmeta“ stöðuna keyrir bíllinn í burtu og skilur stúlkuna eftir, enda höfðu þeir engan áhuga á að hjálpa henni,“ segir Hrafnkell Ívarsson, dyravörður til sex ára. Meira »

„Þessu miðar hægt en örugglega“

Í gær, 16:58 Formenn og þingmenn Sjálfstæðisflokksins, Vinstri grænna og Framsóknarflokks, sem vinna að myndun nýrrar ríkisstjórnar, hafa ekki komið saman til fundar í dag. „Flokkarnir eru ekki að funda sjálfir í dag heldur erum við meira að vinna heimavinnu,“ segir Katrín Jakobsdóttir, formaður Vinstri grænna. Meira »

Metþátttaka í hverfiskosningum borgarinnar

Í gær, 16:23 Metþátttaka hefur verið í íbúakosningunni Hverfið mitt. Kosningu lýkur á miðnætti í kvöld og klukkan þrjú í dag höfðu 10.106 Reykvíkingar kosið, sem er 9,9% kosningaþátttaka. Meira »

Gerð rýmingaráætlana í Öræfum flýtt

Í gær, 15:03 Í nýlegu hættumati fyrir svæðið í kringum Öræfajökul kemur fram að tíminn frá því að eldgos næði til yfirborðs á jöklinum og að flóð væri komið að þjóðvegi 1 sé í mörgum tilfellum aðeins 20 mínútur. Mikið af byggð í Öræfum er innan þessa svæðis og því ljóst að við er að eiga mjög erfiðar aðstæður. Meira »

Mátturinn eða dýrðin - Greinaflokkur

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Lagerhreinsun
LAGERHREINSUN - 40% afsláttur Áður verð kr 15.500,- nú verð kr 9.300,- Áður verð...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Allt þetta fólk Þormóðsslysið 18.2. 1943
Þormóðsslysið var hræðilegt áfall og hafði mikil áhrif á Bíldudal og nærsveitir....
 
Félagsstarf
Staður og stund
Aflagrandi 40 Opin vinnustofa kl. 9 og f...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...