„Við sjáum í könnunum okkar að laun hækka með hærri aldri. Við greinum þó að bilið á milli aldurshópa er að minnka. Yngra fólk sækir að því eldra, bæði í heildar- og dagvinnulaunum. Það má draga þá ályktun að ráðstöfunartekjur þeirra sem yngri eru hafi jafnvel aukist örlítið meira en þeirra eldri.“
Þetta segir Kristján Þórður Snæbjarnarson, formaður Rafiðnaðarsambands Íslands (RSÍ), í umfjöllun um húsnæðismál ungs fólks í Morgunblaðinu í dag.
Í pistli frá greiningardeild Arion-banka í síðustu viku sagði að ráðstöfunartekjur á almenna markaðnum hefðu aukist um að meðaltali 41% á árunum 1990 til 2014. Þó hefðu tekjurnar aukist um aðeins 7-17% hjá fólki undir þrítugu.