Forsetinn segir stöðuna alvarlega
Setja bókamerki
Ólafur Ragnar Grímsson, forseti Íslands, mun funda með formönnum ríkisstjórnarflokkana í dag en hann kom til landsins í morgun. Þetta kemur fram á Vísi.
Í samtali við fréttastofu 365 sagði Ólafur Ragnar stöðuna sem komin sé upp alvarlega og að „forseti þurfi að vera til staðar og þurfi að standa sína plikt.“
Forsetinn var staddur í Bandaríkjunum í einkaerindum en flýtti heimför sinni.
Þá kom Bjarni Benediktsson, fjármálaráðherra, einnig heim í morgun frá Bandaríkjunum. Eins og fram kom í Morgunblaðinu í morgun verður það hans fyrsta verk í dag að funda með Sigmundi Davíð Gunnlaugssyni, forsætisráðherra, um stöðu stjórnarsambandsins. Í Bítinu á Bylgjunni í morgun sagði Sigmundur samstarf ríkisstjórnarflokkanna, Framsóknar og Sjálfstæðisflokksins, ekki hanga á bláþræði.
„Nei, samstarfið hangir ekki á bláþræði vegna umræðu núna frekar en umræðu áður sem oft hefur verið hörð. Samstarf hangir eingöngu á bláþræði ef menn vilja ekki starfa saman.“
Í samtali við mbl.is sagðist Jóhannes Þór Skúlason, aðstoðarmaður Sigmundar, ekki hafa heyrt af áætlunum um fund á milli forsætisráðherra og forseta Íslands en sagðist gera ráð fyrir því að fundur Sigmundar og Bjarna færi fram fyrir hádegi.
Krónan með stöðugasta móti
„Söguleg óvirðing sem gleymist aldrei“
Kjörseðlar kláruðust: Aðsókn meiri en áætlað var
Óljóst hvort þyrlan sé fundin
Gæsluvarðhald yfir Davíð framlengt
Forsetinn og utanríkisráðherrann látnir
Alþjóðlegi sakamáladómstóllinn vill handtaka Netanjahú
„Okkur mun ekki bregða“