Íslendingar á vinnuskjölum Jóhannesar

Höfuðstöðvar Mossack Fonseca lögmannsstofunnar í Panama city í Panama. Í ...
Höfuðstöðvar Mossack Fonseca lögmannsstofunnar í Panama city í Panama. Í þætti SVT sást í vinnuskjöl Jóhannesar í tengslum við rannsókn hans á leka skjala frá lögmannsstofunni. AFP

Í fréttaskýringaþætti SVT sem sýndur var í gær og mbl.is fjallaði um í dag, bregður upp mynd af skjali með nöfnum fjölda Íslendinga og þeir tengdir við aflandsfélög í tengslum við lekann á Panama-skjölunum. Fjölmiðlamaðurinn Jóhannes Kr. Kristjánsson, segir á Facebook-síðu sinni að um sé að ræða vinnupunkta en ekki listann sem meðal annars var gefið í skyn að yrði birtur í lok umfjöllunar Kastljóss á sunnudaginn.

Vegna fréttar dv: Þetta er ekki listinn. Enda koma þau ekki á svona handhægu formati. Það hefði einfaldað ansi margt. Þarna birtast punktar sem við unnum með á tímabili.

Posted by Johannes Kr Kristjansson on Thursday, 7 April 2016

Meðal einstaklinga sem koma fram á listanum eru fjárfestirinn og fyrrverandi Alþingismaðurinn Finnur Ingólfsson, fjárfestirinn Róbert Wessman og ritstjórinn Eggert Skúlason. Þá er Sindri Sindrason, fyrrverandi stjórnarformaður Eimskipafélagsins, á listanum sem og félagið Falson & co sem Bjarni Benediktsson, forsætisráðherra tengdist.

Finnur staðfesti í samtali við mbl.is að hann hafi átt helmingshlut í viðkomandi félagi á móti viðskiptafélaga sínum, en félagið nefndist Adair. Segir hann að félagið hafi verið stofnað árið 2007 í gegnum Landsbankann í Lúxemborg. „Landsbankinn stýrði því félagi alveg,“ segir Finnur og bætir við að það hafi verið í lítilsháttar fjárfestingum, en síðar hafi þeir fjármunir tapast að fullu. Félagið hafi verið gert upp og lokað árið 2010. Finnur segist ekki hafa hugmynd um hvort þetta hafi verið einhvern veginn í gegnum lögmannsstofuna Mossack Fonseca í Panama, en það hafi þá verið alveg í gegnum Landsbankann.

Upplýsingafulltrúi Róberts Wessman sendi í dag tilkynningu vegna málsins en þar kemur fram að Róbert hafi stofnað fjárfestingafélagið Aceway í samstarfi við Landsbankann í Lúxemborg og var félagið skráð í Panama. Tilgangur félagsins var að halda utan um eign Róberts í lyfjafyrirtækinu Actavis og uppsetning félagsins var samkvæmt ráðgjöf Landsbankans á þeim tíma. Actavis var á þessum tíma skráð í Kauphöll Íslands og eign Róberts í gegnum áðurnefnt félag því ávallt opinber í tilkynningum til Kauphallar.

Þá segir jafnframt að til skoðunar á þessum tíma hafi verið að skrá Actavis í erlenda kauphöll og var því talið heppilegast að Aceway væri sett upp með þessum hætti. Tekið er fram að Róbert hafi alltaf tilkynnt um eign sína í félaginu til skattayfirvalda á Íslandi sem og tekjur félagsins verið skattlagðar sem launatekjur hans en ekki fjármagnstekjur.Þá segir að félagið hafi ekki haft starfsemi síðan á árinu 2007 með afskráningu Actavis úr Kauphöll Íslands.

Eggert Skúlason, ritstjóri DV er einnig á þessum vinnulista. Hann staðfestir í samtali við mbl.is að hafa átt félag á aflandssvæði, en að ekki sé um rétt nafn félagsins að ræða á listanum sem birtur var. Hann segir að ríkisskattstjóri hafi gert rannsókn á félaginu eftir hrun og málið hafi ratað alla leið fyrir yfirskattanefnd. Þar hafi niðurstaðan verið að hann sigraði að langstærstum hluta og meðal annars verið dæmd málsvarnarlaun. Rannsókn sérstaks saksóknara á málin var í kjölfarið felld niður. Málið snérist um hvort arðgreiðslur úr félaginu væru tekjur.

Jebb. það er opinbert. Kallinn er í Panamaskjölunum. Sætti rannsókn skattayfirvalda og því máli er lokið. Greiddi skatta...

Posted by Eggert Skúlason on Thursday, 7 April 2016

Eggert segir að hann þekki ekkert til lögmannsstofunnar í Panama og hann hafi alltaf upplifað það þannig að félagið væri skráð í Lúxemborg í gegnum Landsbankann. Segir hann bankann alfarið hafa séð um þetta og að í raun hafi á sínum tíma viðskiptavinir margir hverjir þurft að biðjast undan því að fá þjónustu sem þessa.

Aðspurður um hlutverk félagsins segist Eggert ekki ætla að fara í smáatriði. Hann bendir þó á að á þessum tíma hafi hann starfað hjá Avion group sem var með starfsemi í 60 löndum. Hann hafi ekki verið kjörinn fulltrúi eða fréttamaður á þessum tíma og sé búinn að gera grein fyrir öllum sínum málum við skattayfirvöld hér á landi.

Fleiri einstaklingar eru á listanum sem tengjast Avion group eða Eimskipafélagi Íslands frá því á árunum fyrir hrun. Þannig er Sindri Sindrason, fyrrum stjórnarformaður félagsins, á honum. Í samtali við mbl.is staðfestir hann að hafa átt í nokkrum aflandsfélögum, en að þau hafi öll verið í gegnum Landsbankann í Lúxemborg. Hann segir þau ekki lengur vera í umsjá sinni og að þau séu ekki við líði lengur.

Segir Sindri uppsetningu félaganna hafa verið samkvæmt ráðleggingum bankans, en að þótt einhver tenging hafi verið við Panama hafi fjármálin sjálf alltaf verið í Lúxemborg hjá Landsbankanum þar. Aðspurður hvort félagið tengist viðskiptum í tengslum við Avion segist Sindri ekki þekkja þar, um hafi verið að ræða nokkur félög sem hann átti mismunandi mikinn hlut í.

Eins og fyrr segir er um að ræða vinnupunkta Jóhannesar Kr. og útlistar hann því á Facebook-síðu sinni að ekki sé um „listann“ að ræða, en þar á hann væntanlega við áframhaldandi vinnu við birtingu upplýsinga úr lekanum.

Fjölmargir Íslendingar eru á listanum sem birtist í þætti SVT.
Fjölmargir Íslendingar eru á listanum sem birtist í þætti SVT. Mynd/Skjáskot af SVT
Finnur Ingólfsson
Finnur Ingólfsson Golli / Kjartan Þorbjörnsson
Eggert Skúlason, ritstjóri DV.
Eggert Skúlason, ritstjóri DV.
Jóhannes Kr. Kristjánsson.
Jóhannes Kr. Kristjánsson.
mbl.is

Innlent »

Úrkomumet slegið á Austfjörðum

00:30 Á Skjaldþingsstöðum í Vopnafirði var úrkomumet slegið á laugardaginn. Þar var mesta úrkoma á sólarhring í júnímánuði. Þetta segir Óli Þór Árnason, veðurfræðingur hjá Veðurstofu Íslands. Meira »

Kona í staðinn fyrir hús

Í gær, 21:20 Ég var aldrei barn, grunnsýning Byggðasafns Vestfjarða, var ekki að ósekju opnuð á kvenréttindadaginn 19. júní. Enda hverfist hún um Karítas Skarphéðinsdóttur, fiskverkakonu á Ísafirði á öndverðri tuttugustu öldinni, kvenskörung mikinn og baráttukonu fyrir bættum kjörum og aðbúnaði fiskvinnslufólks. Meira »

Hagkvæmara að flytja inn frá Evrópu

Í gær, 21:18 „Hugmyndin að opnun Costco á Íslandi var fyrst sett fram af kanadísku deildinni okkar. Forsvarsmenn okkar í Kanada höfðu tekið eftir því að töluvert var pantað af vörum frá þeim til Íslands og sáu tækifæri í því að setja upp hliðstæða starfsemi þar og þeir höfðu þróað á Nýfundnalandi.“ Meira »

Rörasprengja í strætóskýli í Kópavogi

Í gær, 20:46 Sprengjudeild sérsveitarinnar var kölluð að Hlíðarvegi í Kópavogi um kvöldmatarleytið eftir að tilkynnt var um óþekktan hlut í strætóskýli við götuna. Það var lögregla sem kallaði sérsveitina til, en henni barst ábending frá vegfaranda. Meira »

Óvenjumargar steypireyðar

Í gær, 20:07 Óvenjumargar steypireyðar hafa sést í Skjálfandaflóa að undanförnu. Háir blástrar hafa blasað við farþegum hvalaskoðunarbáta á Skjálfanda þar sem sást til hvorki meira né minna en sex dýra í fyrradag. Þykir það óvenjumikið í einni og sömu ferðinni. Meira »

Helmingur fundargesta WOW frá Icelandair

Í gær, 19:51 „Í fljótu bragði sýnist mér að það hafi verið hátt í 150 manns á þessum fundi og ég get trúað því að af þeim hafi 70 til 80 verið flugmenn Icelandair sem vilja skoða hvað þessi vinnuveitandi hefur upp á að bjóða,“ segir Jóhann Óskar Borgþórsson, varaformaður Félags íslenska atvinnuflugmanna. Meira »

23 þúsund pennar á 11 árum

Í gær, 19:00 „Ég ætlaði aldrei að byrja að safna,“ segir Þröstur Ingi Guðmundsson pennasafnari, en hann hefur safnað rúmlega 23 þúsund pennum og skráir þá alla skilmerkilega. Meira »

Hálfi milljarðurinn gekk ekki út

Í gær, 19:14 Enginn var með allar tölur réttar þegar dregið var út í Vík­ingalottó. Fyrsti vinningur nam 523 milljónum króna en annar vinningur tæpum 28 milljónum. Meira »

Gönguhópur í sjálfheldu á Vestfjörðum

Í gær, 18:26 Björgunarsveitir Slysavarnafélagsins Landsbjargar hafa verið kallaðar út vegna gönguhóps sem er í sjálfheldu á fjallinu Öskubak. Að minnsta kosti þrír hópar eru á leið á staðinn auk harðbotnabjörgunarbáts en skoða þarf hvort öruggara sé að komast að fólkinu frá landi eða sjó. Meira »

Engin landamæri á netinu

Í gær, 18:20 „Það eru engin sérstök landamæri á netinu frekar en áður þannig að það er alveg hægt að herja á hvaða tölvu sem er, óháð því í hvaða landi hún er,“ segir sérfræðingur um tölvuöryggismál. Tilmæli hans til almennings, fyrirtækja og stofnana eru skýr: Uppfærið hugbúnað. Meira »

Íslendingar leggja mest til UN Women

Í gær, 17:52 Landsnefnd UN Women á Íslandi leggur samtökunum til hæsta fjárframlag allra landsnefnda, óháð höfðatölu. Þetta kemur fram í nýrri skýrslu UN Women, stofnunar Sameinuðu þjóðanna í þágu kvenna og jafnréttis um allan heim, fyrir árið 2016. Meira »

Fundaði með Paul Ryan

Í gær, 17:13 Unnur Brá Konráðsdóttir, forseti Alþingis, fundaði í dag með Paul Ryan, forseta fulltrúardeildar Bandaríkjaþings, ásamt þingforsetum Norðurlandanna og Eystrasaltsríkjanna. Lagði Unnur Brá áherslu á mikilvægi góðs samstarfs Bandaríkjanna við bandamenn í Evrópu, m.a. þingmannasamskipti. Meira »

Ráðgátan um dularfulla saumaborðið

Í gær, 17:07 Í Góða hirðinum finnast margir áhugaverðir, jafnvel sögulegir, hlutir. Að þessu komst Matthildur Þórarinsdóttir þegar í hana hringdi kona í síðustu viku og sagðist hafa fundið hjónavígsluvottorð afa og ömmu eiginmanns hennar. Málið átti eftir að verða allt hið dularfyllsta. Meira »

Húsráðendur slökktu eldinn

Í gær, 15:37 Eldur kom upp við eldamennsku í íbúð í fjölbýlishúsi í Breiðholti um hálfþrjúleytið í dag. Húsráðendum hafði þegar tekist að slökkva eldinn þegar slökkvilið bar að garði en töluverður reykur var í íbúðinni sem þurfti að ræsta. Meira »

Umsókn skoðuð á grundvelli nýrra upplýsinga

Í gær, 15:14 Útlendingastofnun staðfestir að mál Bala Kamallakharan, sem synjað var um ríkisborgararétt, sé í skoðun. Ákvörðun Útlendingastofnunar byggir á umsögn frá lögreglu og í tilfelli Bala er nú til skoðunar hvort umsögnin byggi á réttum upplýsingum. Meira »

Kap VE komið til Suður-Kóreu

Í gær, 16:33 Kap VE, áður skip Vinnslustöðvarinnar, kom til Busan í Suður-Kóreu um helgina, eftir nær tveggja og hálfs mánaðar siglingu frá Vestmannaeyjum. Skipið verður gert út frá Vladivostok í Rússlandi til uppsjávarveiða í Okhotsk-hafi úti fyrir Kamtsjatka-skaga. Meira »

Mosaviðgerðir heppnuðust mjög vel

Í gær, 15:30 Viðgerðir á skemmdarverkum í mosanum í Litlu-Svínahlíð við Nesjavelli lauk núna í vikunni og lítur út fyrir að þær hafi tekist mjög vel. Magnea Magnúsdóttir, umhverfis- og landgræðslustjóri Orku náttúrunnar, fór fyrir átta manna hópi sem fór til að laga skemmdirnar. Meira »

Starfsmönnum fækkað jafn og þétt

Í gær, 14:50 Hjá Ríkisútvarpinu eru 258 stöðugildi og eru í þeirri tölu þeir sem eru í fullu starfi og þeir sem eru í hlutastarfi. Þetta kemur fram í svari Kristjáns Þórs Júlíussonar, mennta- og menningarmálaráðherra, við skriflegri fyrirspurn frá Kolbeini Óttarssyni Proppé, þingmanni Vinstrihreyfingarinnar - græns framboðs um verktakavinnu hjá stofnuninni. Meira »
Hreinsa
Hreinsa þakrennur ryðbletta þök og tek að mér ýmis smærri verkefni. Uppl. í síma...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Trúlofunar- og giftingarhringar í úrvali
Par á mynd 14k með 3x1p demöntum verð 133.900,- Sérsmíði, fjöldaframleiðsla og ...
 
Foroya landstýri announcement
Tilkynningar
Announcement Føroya Landsstýri - ...
Söluturn til sölu góður söluturn og sp
Til sölu
Söluturn Til sölu góður söluturn og ...
Blaðbera á akureyri
Ófaglært starfsfólk
Blaðberar Morgunblaðið óskar eftir ...
Framhald uppboðs
Nauðungarsala
Uppboð Einnig birt á www.naudungarsolu...