Vill flýta flokksþingi fyrir kosningar
Setja bókamerki
Karl Garðarsson, þingmaður Framsóknarflokksins, telur heppilegast að flýta flokksþingi Framsóknarflokksins svo forysta hans geti endurnýjað umboð sitt fyrir komandi kosningar í haust.
Ríkisstjórnin hefur boðað kosningar í haust sem styttir þar með kjörtímabilið um eitt löggjafarþing. Er þetta gert til að koma til móts við þá stöðu sem nú er uppi í íslenskum stjórnmálum, en hingað til hefur nákvæm tímasetning kosninga ekki verið ákveðin.
„Ég tel það bæði lýðræðislegt og eðlilegt að flýta flokksþingi,“ segir Karl í samtali við mbl.is en að öllu óbreyttu verður næsta flokksþing Framsóknarflokksins haldið á næsta ári. Karl vill hins vegar að þingið fari fram fyrir komandi kosningar í haust.
Spurður hvort hann hafi orðið var við sömu afstöðu meðal annarra í flokknum kveður hann já við. „Ég er búinn að heyra í nokkrum.“
„Mér finnst eðlilegast að forystan fái nýtt umboð vilji hún halda áfram, það er lýðræðislegt,“ segir Karl og bætir við að Framsóknarflokkurinn kæmi þannig sterkari inn í kosningar.
Hætta vegna jarðfalls í sprungur metin töluverð
Fjarskiptatæki um alla borg sprungu samtímis
Óvenjuleg tilkynning: 19 í gæsluvarðhaldi
Segja 20 liðsmenn Hisbollah látna
Of margir nemendur og ákall um hæft starfsfólk
Björninn sagður nálægt byggð
„Hví erum við dýrasta land í heimi?“
Átta til tólf erlendir glæpahópar