Um 20 kör af fiski enduðu á veginum

Flutningabifreið með tengivagn rann út af veginum um Hófaskarð í gær og voru björgunarmenn sendir á vettvang í verðmætabjörgun þar sem heill vagn af fisk hafði lent á veginum. Björgunarmenn voru í um 7 klukkustundir að koma fiskinum aftur í kör.

Karl Ásberg Steinsson, formaður björgunarsveitarinnar Hafliða á Þórshöfn, segir í samtali við mbl.is að talsverð hálka hafi verið á staðnum og bíllinn og vagn runnið niður brekku. Vagninn hafi farið fram úr bílnum og við það hafi hlið á vagninum opnast.

Segir hann að mest af fiskinum sem var í vagninum hafi endað á veginum, en það var í heild um 20 kör. Segir hann sjö björgunarmenn hafa verið að störfum í gærkvöldi, en um er að ræða verðmætabjörgun.

Aðspurður um færð í kringum Þórshöfn segir hann að þar sem þæfingur og snjóþekja en ekki ófært. Útkallið í gær er eina útkallið sem sveitin þeirra hefur fengið síðasta sólarhringinn.

Alls var um að ræða um 20 kör af fiski. Mynd/Halldór Jónsson

• Blogga um frétt