Fjórir dagar eru eftir af þingstörfum áður en þingmenn halda í sumarleyfi. Ragnheiður Ríkharðsdóttir, þingflokksformaður Sjálfstæðisflokks, segist reikna með að fyrir þann tíma muni ríkisstjórnarflokkarnir reyna að klára ýmis mál sem fyrir liggja í þinginu.
Nefnir hún meðal annars frumvarp um almennar félagslegar íbúðir, frumvarp um húsnæðisbætur og ný húsaleigulög, auk frumvarps um greiðsluþátttöku í heilbrigðisþjónustu.
Svandís Svavarsdóttir, þingflokksformaður Vinstri grænna, segist búast við átakalítilli viku.