Aukinn áhugi á stærri eignum

Magnús Árni segir eldri hópa í auknum mæli horfa til ...
Magnús Árni segir eldri hópa í auknum mæli horfa til að selja stærri eignir, en að vegna aukins kaupmáttar, leiðréttingarinnar og viðbótarlífeyrissparnaðar sem nota megi til að greiða inn á húsnæðislán, sé ungt fólk og fólk á miðjum aldri í auknum mæli að stækka við sig. mbl.is/Sigurður Bogi

Aukinn áhugi er á sérbýlum og ljóst er að fólk hefur nú meiri fjárráð til að fjárfesta í dýrari eignum. Þetta veldur því að verð á sérbýlum mun áfram hækka á komandi misserum, jafnvel þótt stór hópur eldra fólks sé að horfa til hreyfingar eftir talsvert litla hreyfingu á þessum markaði frá hruni. Þetta segir Magnús Árni Skúlason, hagfræðingur hjá Reykjavík economics, í samtali við mbl.is, en fyrr í dag var skýrsla sem fyrirtækið vann fyrir Íslandsbanka um fasteignamarkaðinn kynnt.

Magnús segir að félagið hafi ákveðið að horfa nánar á sérbýlishluta fasteignamarkaðarins í ár, en þetta er fimmta árið sem það gerir skýrsluna fyrir Íslandsbanka. Áður hefur meðal annars verið horft til fyrstu kaupenda.

Undanfarin ár hafa að sögn Magnúsar verið nokkuð þunn fyrir sérbýlismarkaðinn. Þar hafi spilað stóra rullu að margir hafi verið í eiginfjárvanda. Nú hafi kaupmáttur aftur á móti aukist og þá segir hann ekki ólíklegt að leiðrétting ríkisstjórnarinnar og séreignasparnaður sem hægt sé að nýta til íbúðakaupa hafi hjálpað talsvert til við að lífga upp á þennan hluta markaðarins.

Eldri hópar hafa að sögn Magnúsar verið ósáttir við það verð sem fékkst fyrir stærri eignir. Segir hann þennan hóp, sem hafi verið fastur í stærri eignum, því nú hugsa sér til hreyfinga. Til viðbótar við það megi greina lífsstílsbreytingu þar sem stærri hluti fólks vill frekar búa í minna húsnæði og hafa meira milli handanna. Þá hafi einnig minni frjósemi og þar af leiðandi færri börn á hverja fjölskyldu þau áhrif að fólk telji sig ekki þurfa að stækka við sig.

Magnús Árni Skúlason, hagfræðingur hjá Reykjavík Economics.
Magnús Árni Skúlason, hagfræðingur hjá Reykjavík Economics. mbl.is/Ómar

Þrátt fyrir þetta séu stórir hópar ungs fólks og fólks á miðjum aldri sem vilji stærra húsnæði með stækkandi fjölskyldu. „Fólk hefur núna meira efni á því að stækka við sig,“ segir Magnús og eftir að sérbýlismarkaðurinn fór að hreyfa sig af alvöru á síðasta ári segir hann að aukið framboð sé í pípunum sem komi á markað innan 12–24 mánaða.

„Við teljum að sérbýli haldi áfram að hækka á næstunni, en eftirspurnin verður einnig áfram meiri,“ segir Magnús. Bendir hann á að Íslendingum sé að fjölga til viðbótar við að talsverður fólksflutningur sé til landsins.

Í skýrslunni er kafað ofan í verðbreytingar á milli hverfa og segir Magnús að þróunin sé sú að ungt fólk dreifist meira um höfuðborgarsvæðið. Það sé að fara í hverfi þar sem er meira um ódýrari eignir sem það hefur efni á. Það valdi dreifðari hækkun íbúðaverðs en bara í miðbæ Reykjavíkur.

mbl.is

Innlent »

Finnst ljótu handritin áhugaverðust

18:27 Hún las Ódysseifskviðu Hómers barn að aldri og heillaðist. Hún veit ekkert skemmtilegra en að gramsa í útkrotuðum handritum sem flestir hafa engan áhuga á, af því þau eru talin vera ljót. Hún les á milli línanna í tilfinningar kennara og/eða nemenda sem birtast í glósum á spássíum miðaldahandrita. Meira »

Jón: „Vildi ekki valda neinum skaða“

18:12 Jón Trausti Lúthersson segist ekki hafa veitt Arnari Jónssyni Aspar neina áverka. Fyrr í dag hafði Sveinn Gestur Tryggvason, sem ákærður er fyrir stórfellda líkamsárás í tengslum við andlát Arnars, sagt að Arnar og Jón Trausti hefðu tekist á og að Jón Trausti hefði lamið Arnar með neyðarhamri. Meira »

Vegum víða lokað vegna veðurs

17:57 Þjóðvegur 1 er lokaður um Skeiðarársand, frá Lómagnúpi að Jökulsárlóni. Einnig eru Mývatns- og Möðrudalsöræfi lokuð og þá er óvissustig á Flateyrarvegi og í Súðavíkurhlíð vegna snjóflóðahættu. Meira »

Þeir fyrstu að koma til Egilsstaða

17:31 Fyrstu farþegarnir, sem voru í rútunni sem ók aftan á snjóplóg á Austurlandi fyrr í dag, eru væntanlegir til Egilsstaða á hverri stundu. Að sögn aðgerðarstjóra lögreglunnar á Egilsstöðum hefur ferðin sóst hægt enda er vont veður og blint á fjallvegum. Meira »

Gefa út áætlun um neyðarrýmingu

17:15 Ef til neyðarrýmingar kemur vegna eldgoss í Öræfajökli skulu þeir sem búa í námunda við jökulinn fara stystu leið að bæjunum Svínafelli 1, Hofi 1 eða Hnappavöllum 2. Þar skulu þeir bíða frekari fyrirmæla í bílum sínum. Meira »

Birtingin ekki borin undir Geir

17:14 Birting á endurriti af símtali Davíðs Oddsonar, þáverandi seðlabankastjóra, og Geirs Haarde, þáverandi forsætisráðherra, var ekki borin undir Geir. Endurritið var birt í Morgunblaðinu á laugardag en Geir segir í svari við fyrirspurn Vísis að það hafi ekki verið borið undir hann. Meira »

Borun eftir heitu vatni við Laugaland hætt

16:19 Veitur hafa nú hætt borun í landi Götu við Laugaland. Markmið borunarinnar var að afla heits vatns og auka þannig nýtanlegan forða fyrir Rangárveitur er þjóna Rangárþingum og Ásahreppi að hluta. Meira »

Opna fjöldahjálparstöð á Egilsstöðum

16:31 Fljótsdalshéraðsdeild Rauða krossins hefur opnað fjöldahjálparstöð á Egilsstöðum þar sem tekið verður á móti farþegum rútu sem lentu í slysi í Víðidal. Þetta kemur fram í tilkynningu frá Rauða krossinum. Meira »

„Þetta hefur gengið ágætlega“

16:11 „Þetta hefur gengið ágætlega,“ segir Katrín Jakobsdóttir, formaður Vinstrihreyfingarinnar - græns framboðs, í samtali við mbl.is en viðræður hafa staðið yfir frá því í morgun varðandi fyrirhugaða stjórnarmyndun VG, Sjálfstæðisflokksins og Framsóknarflokksins. Meira »

Rútuslys í aftakaveðri fyrir austan

15:40 Níu björgunarsveitir á Norðausturlandi hafa verið kallaðar út eftir rútuslys í Víðidal á Austurlandi. Rúta ók þá aftan á snjóruðningstæki en samkvæmt upplýsingum frá lögreglunni á Egilsstöðum er einn slasaður, þó ekki alvarlega. Fimm aðrir meiddust lítillega. Meira »

„Veit ekki hver staðan er“

15:39 „Ég hreinlega veit ekki hver staðan er og er mjög döpur vegna þess,“ segir víetnamski matreiðsluneminn Chuong Le Bui. Á mánudag fékk hún fimmtán daga frest til að yfirgefa landið. Síðan þá hefur dómsmálaráðherra sagt að lögin sem valda því verði leiðrétt en Choung segir óvissuna þó vera mikla. Meira »

Þinghaldi lokað í einni skýrslutöku

15:30 Dómari í máli ákæruvaldsins gegn Sveini Gesti Tryggvasyni, vegna stórfelldrar líkamsárásar í tengslum við andlát Arnars Jónssonar Aspar, lokaði þinghaldi þegar réttarmeinafræðingur kom til að bera vitni í málinu. Meira »

„Brottkast og svindl er ólíðandi“

15:25 „Stjórnin fordæmir hverskonar sóun á verðmætum við meðhöndlun okkar helstu náttúruauðlindar,“ segir í tilkynningu frá stjórn Samtaka fiskvinnslu og útflytjenda, SFÚ. Tilefnið er fréttaskýringaþáttur Kveiks, sem sýndur var á RÚV í gær, en í honum voru sýndar myndir af miklu brottkasti afla. Meira »

„Fæ líka pósta með ábendingum“

14:55 „Ég ákvað að hitta í fyrramálið sjómannaforystuna og útgerðarmenn,“ segir Þorgerður Katrín Gunnarsdóttir, sjávarútvegs- og landbúnaðarráðherra, en í ráðuneytinu var í morgun haldinn fundur vegna þeirra upplýsinga sem fram komu í fréttaskýringaþættinum Kveik á RÚV í gærkvöldi. Meira »

Unnustan og nágranni með aðra sögu

14:36 Vitnisburður Heiðdísar Helgu Aðalsteinsdóttur, unnustu Arnars Jónssonar Aspar, og Árna Jónssonar, nágranna þeirra Arnars og Heiðdísar, var í nokkrum veigamiklum atriðum annar en hjá Sveini Gesti Tryggvasyni, sem ákærður er fyrir stófellda líkamsárás í tengslum við andlát Arnars í júní. Meira »

Safnaði 1,7 milljón fyrir Bleiku slaufuna

15:13 Ása Gunnlaugsdóttir gullsmiður hjá asa iceland afhenti í gær styrk upp á 1.750.000 kr. sem er afrakstur sölu á 200 silfurhálsmenum Bleiku slaufunnar í ár. Meira »

Í gæsluvarðhaldi til 6. desember

14:40 Héraðsdómur Reykjavíkur hefur úrskurðað manninn og konuna sem voru handtekin í gær vegna rannsóknar á umfangsmikilli vændisstarfssemi í gæsluvarðhald til sjötta desember. Meira »

„Fólk vill oft gleymast“

14:27 „Er ættingi þinn eða vinur á sjúkrahúsi, hjúkrunarheimili, fangelsi, sambýli eða býr einn? Skipulegðu heimsóknir til hans, þjöppum fjölskyldu og vinum saman og dreifum ábyrgðinni, Enginn vill vera einn og yfirgefinn. Veitum ást hlýju og umhyggju.“ Þannig hljómar kynning á nýrri vefsíðu. Meira »
Crystal clean spray
Crystal clean spray, silver spray og multimedia hreinsispray komið. Slovak Krist...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
Toyota Corolla útsala!
Toyota Corolla útsala! Nýr 2017 Active Diesel. Álfelgur. Bakkmyndavél. Leiðsögub...
 
L edda 6017112119 i h&v
Félagsstarf
? EDDA 6017112119 I H&V; Mynd af augl...
Samkoma
Félagsstarf
Samkoma kl. 20 í Kristniboðs- salnum. R...
Aðalfundur
Fundir - mannfagnaðir
Aðalfundur Aðalfundur Vör...
Félagsstarf
Staður og stund
Aflagrandi 40 Opin vinnustofa kl. 9, for...